Day 1: HK- Seoul
咁我地就係撘凌晨機去首爾嘅，去到首爾我地就去咗機場spa on air過一晚夜啦，雖然唔係正式個啲汗蒸幕，但係都算體驗下。
因為凌晨機太攰嘅關係，所以第一日都係喺酒店附近（明洞）行下。
夜晚就去咗HAHA個間燒肉店食~雖然撞唔到佢真人同嘢食都算貴，但係個到服務質素都好好嘅！會有人幫你燒埋嘢食～
住宿方面我地就住係明洞hotel skypark myeongdong3~
Day 2: 三清洞, 北村韓屋村, 首爾路7017
第二日我地就去咗三清洞，成條街d建築都好有特色～
之後就去咗北村韓屋村著韓服，個到都有好多韓服選擇俾你揀，設備個啲都好齊全。
夜晚就去咗行首爾路7017 ，呢條路係新建嘅～可以慢步睇夜景仲行得好舒服！
最尾仲去咗cafe de paris去食個生果杯，甜品樣靚之餘仲好好味！
Day 3: Lotte World
第三日就去咗樂天世界，成個樂天世界都幾大下，一日都挽唔完～ 加上好多人排隊，所以淨係挽得好少設施 🙁
Day 4: 玫瑰節
首爾大公園每年5月尾6月頭都有玫瑰節，咁所以第四日我地就去咗啦！個到真係四周圍都係花～好靚亦都係影相嘅好地方！
Day 6: Seoul- Jeju
第六日係首爾我地都係弘大明洞買下嘢，跟住就撘內陸機去濟州，因為係首爾stay得比較耐 所以濟洲島淨係去得兩日:(
濟州島住宿方面我地就住係Best Western Jeju Hotel，呢間係比較新的酒店但係價錢都唔係太貴。
到左濟州我地就去咗牛島，咁去到我地就租咗單車環島遊， 一路踩住單車睇景都幾舒服下。
牛島最出名就係花生雪糕 四周圍都有得買~ 味道我就覺得唔係特別好味 不過黎到就緊係要試下啦～
Day 7: Innisfree 濟州小屋
咁第二日係濟州我地就去咗innisfree濟州小屋，個到除咗係購物之外仲可以DIY肥皂，不過我就冇去試啦！其實我地去嘅主要目的係想去試個綠茶甜品。而濟州最出名就係柑橘啦，所以我地都試咗佢個柑橘冰，真係好好味！
最後我地都有去個綠茶園～亦都見到有多人特登黎影相
#寫出你遊歷 及 #hutchgo資助旅費1000蚊
