櫻花唔只日本有得睇，韓國一樣有！
每年三月尾、四月初，鎮海呢個小市鎮就會變得人頭湧湧，為嘅都係見櫻花一面！
必到櫻花景點
- 海軍士官基地
- 帝皇山公園
- 慶和火車站
- 余佐川
1 . 海軍士官基地
平日唔對外開放，係一年一度「軍港節」先有得參觀，機會難得！
呢度好大～～如果要趕行程就未必有足夠時間行晒，約逗留2小時就好了！
2. 皇帝山公園
若果要飽覽全個鎮海，嚟呢度就啱晒！搭小型列車上山又得，行路上去又得，得咗！
山頂嘅地方唔大，但都櫻花處處～～
3. 慶和火車站
終於到咗今次行程重點之一，傳聞中嘅櫻花火車站，好多韓國人都會特地嚟賞櫻㗎！
車站而家已經退咗休，不過軍港節期間會有火車定時行過，滿足大家嘅拍攝慾望～～
兩邊嘅櫻花怒開，好似一條櫻花隧道，真係影到唔捨得走！
下午嘅時候人比較多，如果想影到無人照，就要早啲嚟啦！
4. 余佐川
由於之前花咗太多時間係火車站，無行晒成條河道，有啲位置係可以行落去賞花散步嘅～
交通：到2號線沙上站5號出口，就可以去釜山西部公交巴士站搭車入鎮海。
旅行日期：2015年4月7日
