炎炎夏日終於都過去啦, 雖然都仲係好熱…..但中秋都過左啦, 風高氣爽既行山季節終於都返黎啦!
一路都想同幸晴接觸多D大自然, 所以一有時間, 我地就會上山落水, 好彩我地住係新界, 大自然既地方仲有唔少既選擇, 今次我地就揀左彭福公園
去彭福公園, 除左近屋企之外, 最主要原因係因為佢係香港少數既寵物公園, 如果撞岩試閘日(多數逢二/五,可以上賽馬會CHECK)仲有機會近距離睇到馬
去彭福公園都好方便, 只要係港鐵火炭站落, 行10-15分鐘左右就到
又或者渣車去, 除非係賽馬日啦, 一般都有大量停車位既
我地過完天橋之後, 就入左一架LIFT, 以為比寵物一齊搭既LIFT一定會有陣味,但員工會定時去抹電梯, 我地入LIFT時唔會聞到難聞既氣味
出LIFT穿過一條行人隧道就到啦, 一去到, 先同幸晴去公園玩
騎馬馬
有麻麻係度, 我就最舒服, 因為有麻麻抱住玩唔駛我抱呀嘛! 幸晴成日指黎指去, 叫麻麻呢度去果度去, 都唔知係你玩公園丫, 定係玩麻麻, 哈哈
然後再入寵物公園內既草地公園, 幸晴爸開心啦, 佢買左好耐既地墊終於可以派上用場啦
鋪好墊後, 就係阿囡開餐既時候, 整左薯容比佢自己拎住食, 不過佢個心飛左去狗狗度
好啦, 知好曬啦, 食完再去玩就唔覺曬架啦, 唔好嗡口嗡面啦….
食完野, 我地再坐下草地, 不過小心呀, 地下有好多陷阱…始終都有狗狗嘛
你叫邊個呀?!! 原來又係HI D狗仔, D狗狗都好鍾意BB, 佢地會自己跑黎同幸晴玩同聞佢, XDD
同阿囡出街, 一定要帶既係食物盒, 水, 紗巾, 尤其係紗巾呀, 佢好鍾意亂摸野,但又唔可以阻止佢去探索唯有佢密D摸時我就爽D手抹,襯佢未食手之前抹返乾淨, 盡量都唔用濕紙巾, 一來怕小朋友易敏感, 二來又可以環保D
講開環保, 雖然我地成日都好唔環保(好似一直用緊紙尿片, 懶…改唔到用尿布), 但原來日常生活中想環保都唔係好難架咋喎! 好似改用E BANKING, 收E STATEMENT, 唔駛銀行SEND信黎, 搭多D公共交通工具, 做好廢物分類, 連影完相唔晒出黎都算係環保既一種! 仲有唔好浪費食物啦, 呢點我地一家做得好好架, 幸晴幾乎乜都食, 食剩既媽媽食, 跌落地既爸爸食, XDDD
不過我諗我最環保既就係成日帶阿囡出街, 屋企開少D冷氣, 連錢都可以慳返D,記住去室外唔駛錢既地方呀! 行街SHOPPING會見血架, XDDD
香港貿易發展局搞既國際環保博覽, 顧名思義就係一個講環保既EXPO, 網站話31/10開放比公眾參加, 重點係免費!!!又有多個親子活動啦~~
地點: 香港大嶼山 香港國際機場 亞洲國際博覽館, 嫌遠?!! 唔駛怕, 佢有免費穿梭巴士係各區上落車!
開放時間:
公眾日 (10月31日): 開放予業內及公眾人士免費入場參觀 (部份展品可作零售)
哇, 乜個博覽仲有咁多節目既?!! 連電動車體驗都有, 爸爸唔駛怕悶啦! 記住上網登記左先呀!
原文轉載自: https://wow.esdlife.com/space.php?uid=63794&do=blog&id=263130
