喺四面環海、四季如夏嘅越南富國島，可以感受強烈嘅熱帶島嶼風光，無論沙灘漫步、海邊sunbathing、絕美夕陽風光、搭快艇至南方小島浮潛、欣賞珊瑚或者喺小港口大啖食海鮮等，避開人潮又能感受純朴海島風情，可以完全拋開壓力、感受完全放鬆嘅渡假生活。
呢度就算book酒店，都比起其他渡假勝地平好多，真係好值得嚟！
富國島嘅沙灘各有特色，唯一一樣common嘅野就係全部都好高質！島嘅西側南北兩端渡假村居多，沙質又白且細，楊東鎮上嘅沙灘就金光閃閃。如果喺南方離島、小島，沙灘嘅沙質係白色呈現粉狀，都係我哋最愛嘅地方。
島上飲食相當多元，有越南美食，海鮮更加係呢度嘅特色。由於到富國島自由行以歐美人士居多，steak pizza等西式餐廳嘅選擇都非常多。海鮮最正嘅仲係瀨尿蝦同富國蟹，超級甜美。
成個島都係沙灘，同另一半嚟真係好浪漫<3<3
時間岩嘅話，睇埋個日落，靚到呢…
坐世界最長嘅跨海纜車
我選左下晝去搭係因為想睇睇富國島夕陽美景，或者上午嚟又係另一番唔同嘅景象。
富國島夜市
如果同其他地方嘅夜市比起嚟，富國島夜市嘅面積並唔大，但都有好多好東西食架。
小龍王廟及百年燈塔
最後提提大家！如果香港直航去富國島，係唔洗越南Visa架！又慳番錢又唔洗煩，好建議大家去架:) 尤其咁少遊客，真係正！
#寫出你遊歷 #hutchgo資助旅費1000蚊
