濟洲一年四季都有獨特美景，春天大家最想睇嘅櫻花、油菜花田，秋天一眾文青最想留倩影嘅蘆葦草田更係可以隨街都見到！除左睇景，相信不少人都熱愛當地的咖啡文化，所以今個post 決定帶大家跟住本地人大嘆佢地又朝到黑都離不開嘅咖啡！
涯月邑位放濟洲嘅西北面，有巴士可以抵達，但要搵特色咖啡店就要落車後再走一段小路程啦。如果自駕遊去下面介紹嘅2間cafe就要留意，因為泊車位較少，同埋cafe 長期多人，搵泊車位需時。
春日咖啡 (봄날카페)—曾經係韓劇<心情好又暖>的拍攝景點！
落單係門口！
一走入cafe 就有 一望無際嘅海景，真係無得頂 (心心眼) ，難怪呢度係一眾潮人嘅瘋狂打卡熱點！除了咖啡，仲有甜點發售，好適合同三五知己傾計relax下。揀岩時間去，仲可以欣賞到日落。
可選室內或室外坐位，冬天唔怕凍可挑戰室外坐位！
就算太陽就落山亦都阻止唔到韓國人對咖啡嘅熱愛，直至晚上8-9點關門之前都一直有人光臨！
地址：제주특별자치도 제주시 애월읍 애월로1길 25 (濟州市涯月邑涯月路1街25)
咖啡好味程度 ***
Cafe Aewol Monsant 카페 애월 드 몽상— GD cafe！
距離春日咖啡幾分鐘嘅路程，仲可以去BigBang成員 GD開嘅cafe潮聖，cafe建築同GD個人一樣，型格十足，又係不少粉絲嘅打卡聖地！
地址：제주특별자치도 제주시 애월읍 애월북서길 56-1 (濟州特別自治道濟州市涯月邑涯月北西街56-1)
咖啡好味程度 ***
韓國Starbucks (周圍都係)
唔講唔知！原來韓國Starbucks 仲有濟洲地道限定，口味當然係用當地最有名嘅食材，包括：花生同綠茶。當晚就同韓國友人試了花生latte 同綠茶latte，個人大推綠茶latte，花生latte，花生味重，但甜味更濃！
睇完一D 大路打卡咖啡店！遲D再同大家介紹下濟洲當地人熱愛嘅 咖啡小店！
#寫出你遊歷 #hutchgo資助旅費1000蚊
