呢日真係勁早起身….
7點就起左身….因為8點半有車黎酒店門口接我地去摩天輪度…
再轉車去馬來西亞既 lego land…..
真係好彩早左起身…架車8點多 d 已經黎左酒店等我地…
我地係呢架車既第一站….之後兜多幾間酒店去接人…
去到摩天輪都仲好早…
仲見到個天氣好正添…
接近車個司機帶我地入左間好似旅行社既地方等 d 職員返黎…
職員係我地換飛果張野度簽個名再 copy 一份…就叫我地出去排隊換飛…
換飛都好快…佢跟手比左張格仔紙我地…要係張紙寫低名同 passport 資料再交比另一架車我地去 legoland 既司機就上車….
我地外國人…係需要填出入境表…
咁肥熊要去廁所….咁順手叫佢一陣再問人睇下邊下….點知 d 人都係比果張格仔紙佢…
我仲比人鬧左一餐….但呢 d 格仔紙點可以當係出入境表….
算…仲諗住慳時間拎定慢慢寫….btw 好彩係飛機度已經拎定…
其實一上車…我都睇下 d 出風口有冇吹到肥熊…我地個位關左…但仲有風吹…
原來係後面既出風口向前吹….咁我就關左佢…吹正肥熊個頭….唔死就有鬼…
點知冇耐….又有風既…
原來佢又打開左….以為關唔實….我想再關…
點知有個亞伯申手阻我話我做咩攪人地個風口…
後座既…應該係佢個孫…同一個菲佣既物體坐…
我咪 diu 佢 : 熱就應該吹向自己…唔係個風口吹向人地…(好彩係用國語…唔理佢聽唔聽得明)
當然我都係 diu 一次….當然個老野冇唔停口….佢女人都有講口 upup ..外父外母即刻想開拖..
自私既人點同佢講都係自私…再係咁講就好潑婦罵街咁….我叫佢地唔駛出聲….
差不多45分鐘車程…到左關口…果度人既手腳真係好慢….激死…
原本外父外母排另一面好快…點知海關叫佢地拎張紙…佢地唔知係乜..以為係我度…就插左隊黎左我同肥熊度…
我就話係飛機填果張先知….但佢地2個走埋黎果陣已經打左好多人尖…
後面既好彩係外國人…話冇所謂…當然我都會 say sorry..
其實我叫左佢地張野夾埋係 passport 度就一定冇死….點知佢地都係分開左…
而係等緊過關時…肥熊就話後面條小朋友頭先一路係咁踢…又大叫…
但費時再嘈先唔出聲….我同佢都覺得係個老野叫…
呢度過關似足皇崗….出左新加坡境要再上車…過條橋又落車…入馬來西亞境…
入左馬來西亞境之後上車….已經發現左係個亞媽同個小朋友坐….
then 個風口冇再吹黎…同小朋友冇踢…
有時呢 d 老野真係好鬼野蠻….
入左境馬來西亞之後有個導遊既物體就解釋下一陣回程既時間…等車地點…同有咩人係去 hello kitty land…
因為呢架車會先去 hello kitty land 放低 d 人先…(其實我都好想去囉…我真係好喜歡 hello kitty 架 …wakakkak)
再坐1x分鐘左右就會到 lego land 喇…..但落左車都要行長長既路先到門口….
係行到差不多門口…肥熊就發現相機套唔見左…
我行番轉頭都唔見…應該係今早係摩天輪度等換飛果陣去左影相時跌左 >_<
冇計啦….而我都忍唔住話佢一句係咪上唔實….
但佢話個套本身設計都唔好….好易甩…
去到呢 d 位都一定要影呢 d 相啦…
入到去拎地圖…..成個環境都好得意….有小朋友帶黎應該係最開心…
呢個又係傳說中好累既 game…拉自己上去再跌落黎 (鳴謝肥熊親身上陣)
呢個觀光塔都 ok..
入面食既野唔太貴…仲有一樣…呢度係馬來西亞…係用馬幣…咁我冇換定過黎喎…
唔緊要…入面 d 宜家傢私式既餐廳收波幣找馬幣既….但我發現間間餐廳對換都有 dd 唔同…有 d 高水…
但呢度感覺比新加坡更晒更熱…下午2-3點開始….晒住咁行幾步…對腳都已經覺得辣….
果陣都行左一個圈…就坐下休息下多 d….
到4-5點…先再出動玩小火車同影小人國…個小人國真係整得幾好….
之後6點左右就去等車返新加坡…
咁回程唔係頭先果班人既…佢地又係去接左 kitty land 果 d 先…有位就接埋 legoland 既人…
早去就早排位….我地都叫早左上車….
上到去….都有個導遊姐姐又講少少野…同問下有冇人需要呢個出入境紙…
網上有人教話早 d 拎早 d 寫….其實都冇咩所謂…因為車程都夠時間慢慢寫….
(我英文唔好…而呢份野係英文黎….但….有中文架…我係飛機度聽到有空姐派中文…都拎左張對照係英文度填)
出到市區塞車是常識…都8點先到摩天輪….
熱左成日….個身太臭…呢次我地又選擇的士返酒店….沖個涼換個衫再出去食野…
經過幾日咁係酒店附近行…有基本方向我已經可以目的地…
呢晚又係去熟食市場食野 : 勞明達美食廣場
酒店行去都係 15分鐘左右…冇難度…
呢度又係好多野食推介…
呢堆炸物成 9蚊波子…貴到..但其他野食都係5兜
菜頭粿
豬牛雞各5串(5豪/串) / 4隻雞翅膀 (1.2蚊/隻)
魚蛋湯麵 (呢 set 都係5蚊)
外父母又係食呢個海南雞…佢地話都唔錯
我就食鹵鴨飯…我太掛住食…呢個冇影相…wakakakaa
仲有個正正唔知乜 q 甜品…
食飽…就去呢個魚獅地標啦…
坐地鐵…但又係冇出口提示…上到地面都要靠方向盲鐘鐘咁搵路行…激死…
原本趕到睇金莎酒店對出既 幻彩 fing 香江….
攪到睇得果 少少…仲要好遠睇…
影完魚獅…
又要兜個大圈行30分鐘去對面有隻船係屋頂既金莎賭場…
肥熊外母輸光晒….靠外父 win 左的士錢…就鳴金收兵…正…
呢日都係玩得最夜一晚…要早抖喇…
原文轉載自: https://wow.esdlife.com/space.php?uid=20275&do=blog&id=168257
