只需請一日假，就可以週末去個3日2夜既快閃旅行。
早機去早機返，其實淨玩兩日，但都好滿足:)
我同男朋友唔喜歡趕行程，每日主要都係一兩個重點景點，
慢慢遊，最緊要享受旅程。
DAY 1︰牛島 + 城山日出峰
DAY 2︰ECOLAND森林小火車生態公園+ 韓服體驗
搭凌晨機，在萬呎高空睇住太陽慢慢出來，
天空變成又紫又紅，好靚！
到達濟州係早晨時間，新的一天要開始了！
因為係快閃短TRIP，我同男朋友都係BACKPACK黎，
好輕便！一落機就可以去玩，唔洗等行李。
濟州島有一位爺爺，叫「石頭爺爺」，係濟州島的守護神，
基本上係濟州的街道上隨處都可以見到。
《DAY 1》牛島
我地去酒店放低沉重既背包之後，就開始我地既旅程。
第一站出發去牛島，我地就係坐呢艘大大的船出發，
大得裡面載了好多輛汽車呢！
船上面的休息室是不設坐位的，
大家脫了鞋子就隨便坐隨便睡，
這樣平躺睡著就不會這麼容易暈船了。
到達牛島了！碼頭附近到處都是租車的店鋪，
可惜我們沒有國際車牌，只能踏單車/電動單車了，
不過也很有趣呢😆我們踏的是雙人電動單車！
租左車後，就可以自由開車去遊覽牛島了，
牛島是一個好多石頭，水很清，
很舒服、風景不錯的地方。
水真是超級清，還有不同程度的深淺藍色。
下次再來，一定要下水！
白色燈塔是牛島其中一個打卡位。
到處都是石頭，大家都各自把石頭疊高，變成一柱柱的石頭人，形成特別的景色。
黎到牛島，記得要食埋著名的花生雪糕，
原本單車店的아줌마介紹我地去一個地方食，
但係我地趕行程missed左，就返左碼頭附近食😋超香的花生味啊！
還吃了咖央多😋好吃！
《DAY 1》–城山日出峰
去完牛島就去埋附近的城山日出峰，入場費係2000WON。
係一個因火山爆發而形成既景點，頂部有個好大既火山口。
行30分鐘左右就可以登頂，沿途都有好靚既樓梯可以行，
行到攰又可以係附近坐下休息下，再繼續行。
我諗係度睇日出一定係好靚！
晚餐我地返左酒店附近吃烤黑毛豬肉，
同其他韓國菜一樣，放到一枱都係滿滿的小菜，
有專人周不時過黎幫我地烤肉、夾肉，服務不錯，黑毛豬肉略肥，味道還好。
濟州既街道比首爾同釜山明顯靜一點，令人感覺格外悠閒。
酒店附近有條好似明洞既街，不過已經關門了。
我地食飽飯就去逛超市，柑係濟州其中一樣名物，
買左1個黎試下，3000WON一個丑柑/凸頂柑，
趣怪既外表，味道好甜好多汁！
《DAY2》ECOLAND森林小火車生態公園
第二日我地黎左ECOLAND，係一個以小火車作為交通工具，
帶我地遊纜唔同景區既生態公園。
紅色既小火車外形都好靚架！
ECOLAND係一個老小合宜，適合一家大細同情侶黎玩既地方，
大人收費係12000WON，小朋友就8000WON。
公園主要分左4個景區，每個景區都有唔同既主題同特色，
可以坐小火車前往，每個景區之間相距約10分鐘既車程。
公園仲有好多打卡位可以影相，
又有KIDZONE比小朋友放電。
呢啲七彩迷你屋好靚呀！
公園內仲有自費既遊樂設施，我地玩左呢水上轉轉船，
排左約30分鐘先有得玩，係玩得幾開心既！
一場黎到就等一陣玩下啦！
話明係生態公園，當然唔少得花花草草同河流啦，
可以慢慢散步，欣賞公園內既一草一木，
真係好寫意架！
遊覽完公園後，我地就食左個泡菜豬肉窩，
好大棵泡菜，職員幫地剪落窩度，酸酸辣辣好開胃！
之後我地去左著韓服影相，
揀完衫後，職員幫我地整髮形，
仲幫我地用相機影左啲相，EMAIL返比我地。
我地又可以用自拍工具，係場景入面四圍影，
現場得我地兩個包晒場，唔洗怕尷尬，可以慢慢影同玩！
好充實既2天遊，
如果你假期唔多，想黎個快閃既短TRIP，
濟州真係一個好選擇，好悠閒好舒服，
而且濟州地方唔算大，基本上去邊都可以坐的士，
價錢合理，又易玩！
開心SHARE我地既VIDEO，可按以下超連結︰
DAY 1︰牛島 + 城山日出峰
DAY 2︰ECOLAND森林小火車生態公園+ 韓服體驗
#寫出你遊歷 #hutchgo資助旅費1000蚊
