去台北去到悶？係時候試下台灣深度遊！呢次專登選左我地香港人唔太熟悉嘅外島：澎湖！黎番次不一讓既台灣之旅！
呢次之後覺得澎湖真係一個好適合渡假既地方，風景靚、野食又正、上山下海你中意邊樣都okay! 不過聽講一年365天有300日呢度都會落雨，而我地算好彩，只有一天落雨！
呢次去澎湖我經香港飛台中轉內陸機！落機後就去左民宿checkin放低D野先。自由行既住宿呢方面，我覺得搵一間靠近市區既民宿會比較好，因為野食大多集中係市區，如果唔係真係行死你都未必有得食。
以下呢堆係我呢三日去過嘅景點，全部都好正！難得呢次去到外島，呢次我連續三日都落海！
Day 1
海洋牧場：鮮蚵放題
一早就過嚟南海遊客中心呢度集合搭船出海！澎湖係個海島，所以海產都好豐富！
因為今日風浪唔算好大，唔需要食暈船藥，但船身比較淺，旁邊有船經過時D浪會令到你濕哂，所以最好都係著雨褸～ 沿路有導遊介紹經過既地標景點。
海面上黃黃一塊一塊就是D養殖緊嘅蚵仔～ 大概20分鐘就到達海洋牧場體驗區，好似漂流係海中間嘅藍色船屋
分成兩層樓，二樓係露天燒烤餐廳，每台準備好一大盤岩岩先捉上岸嘅新鮮蚵仔，食完唔夠仲可以加，正！
呢一大盤應該有個五六十隻，食到傻左。。。不過呢度D蚵仔真係超級新鮮，仲要一D腥味都無，簡直係世界級享受～
食完仲可以係度釣下魚呀蝦呀同埋好多海鮮，jeng! 可以玩足一日～
Day 2
奇幻海底漫步
上一次潛水已經係好多年前，而今日報local tour join 潛水團，而且教練仲會教埋我地點樣輕鬆海底漫步！
集合地點係靠近南邊既鎖港，如果上岸後仲有體力都仲可以安排南環既活動～ （但我老啦lol)
一潛落去, 嘩！海參、珊瑚礁、仲有好多魚群。可能因為去南邊玩水既人比較少，呢度D水質好okay！我話okay就okay! 但咁岩今日天氣唔太好，一直落大雨，visibility 低左DD。
不過呢個tour行程重點唔係浮潛啦，係海底漫步！！！海底漫步係外國稱為SEAWALKER，要帶好似太空人咁款嘅頭盔，然後有條好長嘅管連接至水下，持續提供氧氣。由於人係海低受到海水浮力影響，頭盔會變成完全無重量，人都可以好似太空人係外太空行咁款，呈現無重力感覺。好正！！！
Day 3
藍洞探秘、七美一日遊
澎湖好玩既不只本島，周圍島嶼靚景都好值得去睇。呢個local tour唔係每日都發團，真係好好彩！去程同回程都要搭約1.5小時船，所以建議大家一定要食暈船藥！
第一站先停靠係南方四島既東吉嶼。
東吉燈塔，全島最高點，藍天白雲綠地。
第二站係西吉嶼既藍洞。呢座島太危險，所以唔可以登岸，船長都只係開到藍洞旁邊比大家欣賞一下。藍洞係一個海蝕洞，由透亮清澈既海水反射海水既藍光入個洞，所以就係藍洞。大自然的鬼斧神工真係很令人好讚嘆！
最後一站係七美島！
七美島有好多好出名既景點，當中最出名的就是呢個雙心石滬啦！同另一半黎一定好浪漫！
#寫出你遊歷 #hutchgo資助旅費1000蚊
