#寫出你遊歷
#hutchgo資助旅費1000蚊
有鑑於緬甸最近開放咗香港護照落地免簽，咁就省咗成四五百蚊同時間唔洗搞簽證，依家唔係去緬甸嘅最好時機我都唔知幾時係！加上東南亞地方，一定要趁旅遊業未過度開發之前去，咁先可以真實體驗到當地落後地方人們嘅純樸，唔似係大城市，乜野都商業化，論計錢就一定同你計到盡！
緬甸幣(kyats)係國外並唔流通，所以記得唱定美金去當地機場換錢。同埋一定要新美金！全新美金！全新美金！很重要要說三次！因為如果唔係新，銀行有機會可以拒收架！同埋100USD係絕對值錢過50USD,20USD,10USD！所以主要用100USD唱錢，其他細紙幣用黎購物用～（例如玉石、銀器、酒店錢．．．）
ＤＡＹ１—起飛 仰光大金寺
早機去仰光 Yangon International Airpot (RGN)～落地都已經3pm
順利落地免簽之後第一件事當然係執番隻suitcase然後出去唱錢! Sim卡都可以依家整埋，平過係鴨寮街買！之後記得Download叫車神器”GRAB”，咁就唔怕比搭taxi唔知道價比人昆~
先去市區中嘅酒店放下行裝，然後即刻又跳上taxi去我地第一個景點 — 仰光大金寺! 入場費 (10,000kyats)
可惜啊啊啊啊啊! 最大最金光閃閃嘅佛塔竟然裝修緊…
但有趣嘅係，係呢到遊客其實算係minority…因為majority都係本地人! 周圍充滿著虔誠嘅信徒係到跪拜
Oh記得緬甸大部分宗教地方無論室外室內石磚石屎定石頭都要拖鞋TT____TT 記得善用拖鞋!
同埋每晚番酒店要狂洗腳! 同埋上身記得唔可以著得過分暴露!吊帶no!背心no! 下身連貼身牛仔褲都係nonono!
所以請善用泰國鬆身褲~!
請善用泰國褲~
請善用泰國褲~但勝在當地好貼心可以借longgi (3000kyats按金)比你包住下身~ 感覺突然自己很有緬甸色彩吧xd
雖然款色唔係特別靚…之後自己去市集買一條啦xD!
好彩夜晚打燈都依然金光閃閃…
係大金寺觀賞完日落，可以到出口處，旁邊一直都有大大小小
嘅檔攤賣緊紀念品同埋貢品，有興趣可以選購一下～
之後我地就去咗食海鮮！
ＤＡＹ２— 翁山市集 超市
今日我地就去咗試當地既早餐
推介999 Shan Noodle
個佛手瓜菜葉真係好好好好好食O口O
比想像中好食既佛手瓜葉
之後就去咗翁山市集！好多七彩繽紛既布藝！岩就可以入手一條之後喪著 x)
當然亦都好多玉石翡翠等等⋯ 但我就唔識鑑定所以無睇⋯費事比人呃
市場隔離有個叫Junction City嘅大型商場
我地就去咗佢嘅超級市場掃下麵條奶茶水果乾同埋防曬XD
當然唔少得乾糧！比我地今晚坐過省巴士肚餓嘅時候japjapjap
*搭過省巴士要提早2個鐘到市外嘅High Way Bus Station Check In…
就算我地搭夜晚8點車 515出發
最後都620先去到Bus Station=_=
夜晚塞車問題好嚴重
JJExpress嘅旅遊巴真心高質!!
又有已消毒既棉被又有電影睇!!!
講真我覺得舒服過搭廉航⋯
Day 3 — 蒲甘 市集(Mani Sithu Market)
係清晨530am我地已到達蒲甘
登上的士前往hostel
雖然我當晚先入住酒店，但hostel都非常熱情咁用招呼我地食早餐! 唔洗加錢好有人情味
稍作休息之後我地就去咗附近既Mani Sithu Market～入面超級多當地舖頭
係布料上悠閒地訓覺既貓咪
分別有賣木雕，拖鞋，油畫，雜貨同埋最受我地矚目既隆基(Longgi) －即是本地人下身既服飾！ 款色花多眼亂 真係可以慢慢揀番三五七個鐘 而且價錢唔貴 建議大家可以趁機入手一條之後入廟就方便啦 影相都靚啦
我買既longgi
之後就附近一條美食街食lunch
當地既西餐廳大部分都好平 但重點係質素唔差！ cocktail都好正好平！$20HKD就有交易！
流心芝士雞肉
日落我地去咗Shwezigon Pagoda，算係local最大最金碧輝煌既一座佛塔啦
之後又番去美食街繼續試唔同餐廳XD
然後就早早番hostel訓覺
因為我地聽日決定追日出！
Day 4 －蒲甘 追日出 遊佛塔 追日落
由於日出係6點既事⋯我地今日朝早515已經係hostel出發去郊區一個觀景台到睇日出
太陽未出既時候真係好凍⋯盡可能著羽絨啦
等日出~
大約7點，熱氣球就會開始升空！係影相好時機！
可愛既當地兒童會趁機會向你sell postcards!! 價錢比市集平! 推薦入手!
番hostel食咗個靚早餐之後我地就正式開始咗獵佛塔之旅！
由於當地實在太多佛塔⋯ google又無乜導航 所以我地決定包起架車！其實係TukTuk 帶我地由朝玩到晚～
一齊黎睇下當地既景色啦！
佛塔將我包圍~
連室外都要脫鞋先可以上佛塔…
巨型佛塔附近通常都會有好多檔攤賣紀念品
叢林無拉拉都會有好多不知名佛塔
感覺有一點似瑪雅..
依家已經無得再爬佛塔lu 🙁
睇到最後 其實都已經睇到麻木曬…
所以都係去飲飲食食開心好多XD
總結
總結而言，緬甸的確係個好純樸既地方。當地人好樂意無條件咁幫助你，治安亦都唔錯。
景點當然都好新鮮～ 記得無論如何都一定要係蒲甘睇日出！！！否則會有遺憾！！！
緬甸 － 越早去越好
否則旅遊業過度開發之後，當地人既純真純樸就會已不復見 🙁
