達爾文Darwin，澳洲嘅北領地Northern Territory最大城市… 其實都真係唔係好大
呢度背包客比較多
係澳洲唯一只有夏天嘅城市，整年只有分旱季(5-9月)與雨季(10-4月)
旱季唔落雨，氣溫平均喺30度以下，氣候非常舒適，不過蚊超多!
雨季嘅行雷閃電則係令人嘆為觀止! 可以影到好誇張嘅行雷相
呢度嘅日落你一定唔可以錯過，至於要喺邊度欣賞日落，呢度有游艇之旅，或系戶外餐廳，公園嘅大草坪野餐都令人心曠神怡
達爾文市區唔大，但都有餐廳 、飯店、酒吧，郊區則有好幾個出名嘅國家公園
市區搭車仲可以去到一些附近嘅點，市場或購物中心
如果有車、租車或跟團一定要去郊區走走，呢個係達爾文嘅重點
第一日：市區一日遊
Darwin City
最墟撼嘅就係Mitchell Street
所有嘅夜生活都集中喺呢條街上
基本上市區就係食食飲飲、飯店、超市、銀行
Waterfront
Waterfront 係新啲嘅餐廳與酒店區，行比較高級嘅路線，但因為靠海，所以蚊都好多，喺戶外食野個陣要注意防蚊!!
Jetty
呢邊係美食街, 想食咩菜基本上都有
Cullen Bay
從達爾文步行大概20min，就會到左呢個比較早開發嘅高級住宅區，有碼頭停靠好多私人游艇‧每日下晝五點出發嘅香檳日落游艇Tour好似都唔錯，之不過可能會唔小心就飲多左，因為香檳係任飲!
Mindl Beach market
有D似台灣嘅夜市，有賣食同手藝品
記住雨季唔開放，同埋呢度蚊超多。但無旁邊就係海灘，搵一日帶張野餐墊買D食物過來野餐，睇住超靚日落，嘆!
除左市區之外，郊區仲值得去！呢度推介一個出名嘅國家公園: Kakadu National Park 卡卡杜國家公園
澳洲真係好大，KAKADU國家公園離達爾文市區約3小時車程，呢度係被聯合國教科文組織認定為世界遺產。
KAKADU國家公園最大嘅特色就係峭壁同長達5萬年嘅原住民岩畫，仲有熱帶雨林。
一開始先嚟考古，睇岩畫。其實每一個岩畫都有唔同嘅故事，當地依家也有專人喺修理呢Ｄ 岩畫，有興趣嘅朋友可以認真聽導游講解，國家公園內也有許多英文嘅說明。
然後導游帶我哋再向前行，睇峭壁。達爾文真係好熱，建議要做好防曬準備。
然後我地搭船游雨林，導游同我講會有機會睇到好多鳥類同鱷魚，好期待。
第一次喺熱帶雨林裡面訓! 其實都算唔錯
Tour Day 2 一朝早繼續睇wall paint
然後爬上最高點 同時為呢次兩日一夜熱帶雨林之旅畫上句號
#寫出你遊歷 #hutchgo資助旅費1000蚊
