又一個賣萌景點!!! 去呢間咖啡店既主要原因係….佢就在必遊景點梅花湖! 可以遊梅花湖行到累去飲杯野, 食個鬆餅……
呢度係作家兼主持吳淡如開既, 話係送比囡囡既禮物, 我都想送呢D禮物呀…可惜幸晴連模型都唔會收到, 哈哈哈
門口亦都有個熊媽媽歡迎我地
講明先, 呢間咖啡店係賣萌同賣景, 因為坐係度就可以舒舒服服欣賞梅花湖， 而入面亦有熊啤啤比你任影唔嬲!
依家叫親佢笑, 就會笑到咁……..
比人罰企中……
不過老實講……熊啤啤係Q, 但我地之前去左兔子迷宮餐廳…呢度即刻比下去…..數量唔夠揮之餘仲要公仔都幾殘舊….而且呢度….超多蚊!!! 我去既時候轉涼, 應該冇蚊先岩…但我都見到幾隻大蚊……我家姐想當年暑假去….D蚊多到嚇親佢…..所以去梅花湖記住帶定防蚊液呀!
至於野食方面呢……嗯……唔岩我口味啦!!! 上網睇D人話鬆餅唔好食…避免中伏, 我地叫左飲品同甜品……..呢杯聖代普通料黎….唔難食亦都唔好食……
至於幸晴爸杯朱古力……….喂! 駛唔駛溝粉溝得咁明顯呀!!!!!
幸晴爸覺得冇問題…但我就覺得佢一定係用凍水沖杯朱古力….D粉狀口感極明顯!
總結, 黎呢度唔好預食野啦! 睇景啦!! 係咪一定要去就見仁見智啦, 不過如果行到累, 想抖下, 呢度都係一個唔錯既地方黎架! BTW, 呢間係超多香港人既餐廳黎架!
原文轉載自: https://wow.esdlife.com/space.php?uid=63794&do=blog&id=276812
