今次係見到都算平嘅機票，時間又靚係早機去夜機翻！連行李來回$790～所以就決定去台中啦！其實今次係第一次去台中，之前一直都覺得冇咩嘢挽咁，但係去完先發覺完來台中都有好多地方去！仲有台中最吸引嘅地方係用悠遊卡撘車10公里內都唔洗錢，所以今次trip都冇咩交通費。
我地呢幾日都係住係kun tour hotel 大概一個$700三晚，其實酒店地點同逢甲夜市好近，行2分鐘就到，所以都好方便～夜晚唔驚冇嘢食。
Day 1:，彩虹村，逢甲夜市
第一日放低行李係之後就去咗彩虹村，呢個地方應該係台中最出名必去嘅地方！四周圍都係塗鴉，都真係幾特別。
之後夜晚我地就去咗逢甲夜市，我地嘅晚餐就係夜市掃街啦，夜晚嘅逢甲真係同朝早差好遠， 成條街都好多嘢食熱鬧好多～
Day 2: 宮原眼科，高美濕地
宮原眼科嘅雪糕真係一定要食！雖然價錢唔平但係好大杯，淨係朱古力都有分十幾隻味，仲有個乳酪蛋糕做配料~真係好好味！
之後我地就去咗高美濕地，呢個地方就緊係要去睇日落啦！用咗幾個鐘先到但係好唔好彩我地去嘅呢幾日咁啱撞正颱風，所以條木棧步道係封住咗，冇得行出去 🙁 不過就咁睇個夕陽都靚。
Day 3: 東海大學，海天橋
第三日就去咗東海大學個路思義教堂！ 跟住順便行咗個東海藝術街同東海商圈。 而夜晚就去咗海天橋睇景~條橋都真係幾靚，但係台中每條橋都好偏僻。。要撘好而車先到，所以值唔值得就因人而異啦！
Day 4: 勤美天地，一中商圈，秀泰廣場水晶教堂
我地好快行完勤美天地就去咗一中商圈啦，一中商圈其實同夜市差唔多，但係一中朝早11點到好多店鋪就會開，唔洗夜晚先去都得。個到仲有齊好多黑糖珍珠奶茶鋪，今次去到試咗老虎堂同蜜滋麻美，兩間都好好味！
之後見仲有時間就順路去埋附近嘅水晶教堂行下之後就翻香港lu
#寫出你遊歷#hutchgo資助旅費1000蚊
