扮晒遊客去…
悉尼水族館＊動物園＊觀光塔
週二沒人湊仔關係，
借故請假又順面在公司借到張PASS去以上景點唔使錢。
張PASS可供兩大兩細免費，
本來約剛從台回流澳洲朋友一起去，
週末發訊說一家大細病入膏肓，
要吃抗生素～OMG～
下次下次再約了。
只有我跟袋寶關係，
要挑一條易去易回嘅路，
早決定坐船出去，
但回程因為時間關係仲未決定。
等船時間實在太長，
同埋回程要食飯，
碼頭旁嘅唔係BAR就係高級餐廳…
唔太適合咱們今日造型。
碼頭兩日後因擴充要關閉幾星期，
好日唔搭船好彩都有機會今日搭，
上船後感覺變老咗，
乘客全部白髮老人家，
坐船到一半路終於有啲年青點上船，
感覺無咁老。
在DARLING HARBOUR WHARF下船，
下船不遠就見到動物園SYDNEY ZOO及水族館SYDNEY AQUARIUM，
說好先去水族館，袋寶轉軚說要看動物，後看魚，
但佢講講吓，睇完動物去睇魚魚，好味…
=_______=||||
唔係食果啲老細…
昨日公司拎PASS時，RECEPTION姐姐叫我唔使排隊，
直鏟去入口就可，
我們先去SYDNEY ZOO，
果然係乜都唔理直鏟入場。
其實入面動物主打係澳洲本地動物，
在其他動他動物園看過，
不過佢地啲動物係好食好住，
好肥，好圓，啲毛好靚，
隻隻色澤好好，同埋好懶洋洋～
唯一一樣唔同係一入場就見到好多蝴蝶係度飛，
果下好得意，
平日又早去關係，
入面唔多人，有隻蝴蝶係地下樹，
你唔怕被人踩嗎？真係好危險～
蝴蝶同啲濕濕毒毒青蛙，同埋BB鱷魚放埋一齊，
啲BB鱷魚呢，真係，啲蝴蝶飛過頭樹會驚到反肚，
點解唔開口食咗佢…
好多蛇蛇，LIZARD，
體型都比較細，
好彩見唔到蜘蛛，
我唔太BUY。
最為矚目係隻大大大大鱷魚，
我估係Saltwater crocodile，
佢做咗一個水裡閉眼疴C姿勢，
想點?佢究竟想點?
時間仲早就去埋水族館，
入場個姐姐唔俾我直接鏟入去，
要我去買票處整張TICKET，
而因為已經十點幾，
好明顯遊客開始多，
我個仔開始分心，
係咁食嘢，唔肯落車仔，
又係你話要睇，
去到完全無興趣，
我開始火了。
PENGUIN，JELLYFISH，打直游嘅RAZORFISH
無論大同細嘅海洋生物佢都好似無乜興趣!!!!
去到睇大TANK我終於迫佢落車。
其實好得意，佢就係無興趣，
比看動物反應還要爛。
去到佢只係掛住係個TUNNEL跑，＝＿＝。
而SHARK係另外一個大TANK，
咁啱有工作人員潛水巡邏，
佢反而對潛緊水嘅人有興趣…
天啊，睇魚嘞，做乜要睇人。
擾攘了一個早上，離開時11:40am，
小夫千叮萬囑叫我早點食午飯，
LUNCH TIME所有餐廳人很多，
我有點急，想在附近找家食日式或中式，
在DARLING HARBOUR搭LIFT上橋去TOWN HALL市中心，
頂，個LIFT，好似食咗白粉咁，
好慢，比蝸牛更慢，
等咗好耐都唔開門，
入到LIFT等咗好耐唔識閂門!!!
俾我上去啦喂!!!
低能架，史前化石LIFT…
過橋後見到有家食日本拉面，
去到…十二點至開，有無搞錯。
最後都要推車推到TOWN HALL市中心一家商場內，
KINOKUNIYA書店旁名為一番星餐廳食日本拉面，
看一看電話原來小夫發訊問我係邊，
佢話可以JOIN我地。
食過飯後，又去另一個景點，
悉尼觀光塔 SYDNEY TOWER EYE。
唔好講笑，我係未去過。
N年前還是學生覺得花十幾蚊上去個塔齋望風景有點不化算，
我寧願去觀光塔上那家旋轉餐廳食個BUFFET仲好。
而有個免費PASS梗係去埋，
真係，速去速回，
影咗幾張相就走佬了。
這個MODEL參考塔高度，成個MODEL佢就係最矮，好心就唔好整出來獻醜…
未上去觀光客係會迫你睇五分鐘4D短片，
我最怕戴3D眼鏡，
仲要得一個SIZE，
袋寶係唔啱戴，
最後大家發呆唔用眼鏡睇短片。
上到去觀光台，
個景係好靚，真係好靚，
不過沒有心情欣賞，
我個仔不斷奔跑…
扮嘢影張型仔相…
離開時兩點多，
袋寶說想搭火車，
其實推PRAM不是太好選擇，
但求有好心人幫下我大肚婆上落車。
觀光塔商場出走，經地下商場到火車站，
一到閘口袋寶已閉上眼，一直瞓到下車。
好彩月台都有好心乘客見我真係好似想推架車落坑而幫手，
大肚實在不太靈活…
加上我有點攰。
一下車袋寶被一輛警車的警號聲嘈醒，
仲喊住口話要搭火車，
先生，你搭完喎…
唉，下次啦。
推咗大半日PRAM，
番到屋企後，隻手開始發麻了。
若以上景點有興趣可向以下連結看看…
WILD LIFE SYDNEY ZOO
SYDNEY AQUARIUM
SYDNEY TOWER EYE
仲有MULTIPASS可去幾個景點…噢…啱晒遊客了。
原文轉載自: https://wow.esdlife.com/space.php?uid=17963&do=blog&id=310491
