我決定呢次都係每日打 , 但會盡量細拆每日既景點 , 睇下咁會唔會可以打得詳細少少 , 又可以 skip 左 d 悶野。但第一日 , 都唔算太多野 , 所以都會一篇過。
———————————————————————–
呢次因為 free 機票 , 有 d 地方我地會豪番少少 , 例如會坐機鐵
好似 full 康泰買來回 , 都係百多 d 一個人 , 而且因為我係港島出發 , 時間上係 win 晒。
又可以市區 check in , 真係可以到最後一刻先去到機場都未遲。
呢次大韓航空 , 空姐真係韓妹黎 , 其實幾爽。
有一樣野都需要再講講既 , 話晒都係櫻花期 , 真係要幾多人有幾多人。
而韓國入境真係出名慢 (其實好多地方都係咁) , 而且係機上已經有唔少人搶閘落機。
但我同肥熊真係吹啤啤 , 我地係坐尾二果行 , 仲要等人開始落機先斯斯然去廁所。
坐完單軌後 , 又慢慢行去海閞 , 不過一去到果陣 , 我都嘩左一聲。
多人到呢…………
上網都睇過有人話等過海關要 45分鐘。
我返鄉下之嘛 , 點會需要排人手過關呢 , EMS 系統先係我呢 d 自己人用 ,不過有成 十幾 , 要等成 5 分鐘先過到去囉 , 真係慢。(唔好打我)
因為我太慢過關 , 攪到要 d 行李我 , 真係唔好意思。
呢張圖我一定要 up
去坐地鐵前 , 又係換左釜山火車既 3日 pass 先 , 都係因為櫻花期 , 火車都好 full , 呢個亦都係我地最緊張既行程之一。
呢次我地住弘大 , 機場地鐵去真係幾方便 , 又快又唔駛再轉地鐵。
呢間 Hotel The Designers Hongdae , 雖然離弘大站有少少距離 (近合井站多 d ) , 行去唔太麻煩既 , 而入面都叫 ok , 有大浴缸 , 方便行到死死下可以浸浴。
放低 d 野就盡快出去行下啦 , 弘大有 line shop , 睇熊大妹妹。
之後就要食飯 , 太夜 , 選擇唔多 , 食呢個教授牛小腸 , 但呢度都有豬食。
呢支櫻花酒好似好靚 , 但唔太好飲
另一支 IU 版既 hite , 好有西柚味 , 好好飲。
前菜都好得意 , 有牛柏葉同生既牛潤 , 生牛潤都好好甜 , 係甜架 , 腍腍地爽爽地咁 
我地叫左轟動奶酪內臟火 9000won (譯名好奇怪) , 但係豬腸黎。
之後再加芝士
用火槍燒溶佢就食得喇。
=====================================================
原文轉載自: https://wow.esdlife.com/space.php?uid=20275&do=blog&id=309587
