韓國首爾

邊個話首爾只係適合嗰啲年輕人去追星，見偶像！

首爾親子遊，適合咁多位帶着自己的小朋友去到旅遊景點同埋遊樂園都玩㗎 ！好啦咁而家呢就要帶大家睇吓我係點樣帶住我5歲半嘅小朋友去玩㗎啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

樂天世界

樂天世界嘅工作人員呢都有親和力嘅，可能佢哋都知道遊樂園係細路仔嘅夢幻地方啦，所以嚟到呢度工作嘅工作人員呢都會帶到比細路仔啲好歡樂嘅氣氛，令到我哋可以喺呢度享受一個好溫馨嘅親子時光。

另外呢喺呢度買中午之後嘅飛都可以睇到夜晚嘅遊行架！不過呢有啲美中不足就係呢度都幾出名，人流呢就較多，排隊嘅時間都好長添。

遊樂設施呢就唔會話好刺激好刺激，所以啲小朋友都會玩到架，好似呢啲海盜船咁，都可以令到我嘅小朋友開心一日㗎啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

首爾樂園

好！嚟到首爾樂園！呢個首爾大公園呢就集合左遊樂園啦，動物園啦，植物園啦同埋美術館嘅，一次滿足你三個願望呀最後都可以話係親子旅遊一個好唔錯嘅選擇啦。

冒險世界-急流泛舟 ： 享受水花四濺既快感！

喺呢個公園呢佢冇嗰啲好知名嘅新設施，但人流都相對較少，你哋知啦細路仔嘅安全同埋耐性都要考慮㗎嘛！玩起嚟呢都會好自在好盡興，唔使驚係嗰啲好熱門嘅景點都人逼人，喺呢度呢就可能這個細路好開心咁玩一日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

兒童大公園

首爾兒童大公園呢我以為係呢個市區老少嘉怡嘅一個景點之一，佢有啲似兒童新樂園咁樣綜合左好多唔同嘅館，綜合嘅一啲親子景點咁啦！當然佢都有好多免費嘅休閒設施同埋要比錢嘅遊樂區，提提大家如果花季過嚟呢仲可以順便欣賞埋櫻花同埋野餐添！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

海賊王主題咖啡店

呢個海賊王主題咖啡店呢，唔可以話係一個兒童嘅景點，畢竟呢啲漫畫都係比大人睇嘅，親子同行呢主要係感受下呢間咖啡店嘅氣氛，同埋嗰啲公仔嘅擺設

成個咖啡店都好有海賊王嘅感覺，個氣氛好似喺船上面開party咁添

俾大家睇吓啲嘢食係點樣㗎啦，好靚好靚，亦都好貴哈哈，但係好食嘅！可以帶朋友或者係細路仔過嚟一試！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Kakao friends and ryan cafe旗艦店

有用開韓國line嘅朋友仔呢，都應該見過呢隻野㗎啦，細路仔見到佢哋呢啲大公仔呢都相當之興奮，喊住口咁我話一定要攬下佢，好彩冇話要帶返屋企咋！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

結語

呢五日四夜嘅行程呢，就希望係返學之前可以比細路仔放鬆一下玩一玩，返到去可以專心咁樣溫書亦都有動力去為一下一次嘅旅行努力學習。雖然對我哋大人來講身體就好攰，但精神好滿足，見到小朋友玩得咁開心，哎呀，攰啲都冇所謂啦哈哈

#寫出你遊歷 #說走就走 #親子遊