2016年1月2日[六]
STRAHAN > QUEENSTOWN > TARRALEAH
我們住了STRAHAN BEACH TOURIST PARK的CABIN一晚，
感覺係好過之前果間，一來我地住間房唔係廁所隔離，
二來我個仔當晚瞓得OK=我都有覺好瞓。
是日趕時間，因為BOOK咗去搭火車，
晨早就要起身CHECK OUT，
諗住去入油，世界唯一一個油站竟然未開。
老公話都無問題，應該夠油，
就開車45分鐘到QUEENSTOWN。
我地挑了上午一班搭四個鐘火車，
其實都唔平，半日每人收費好似百幾蚊，
小朋友都收費，印象中只係平少少，
上午同下午去車站唔同，
RECEPTION姐姐強力推介早上果個話值得去。
我們九點上車，
早到咗少少，在車站參觀下，
我就去參觀下個CAFE，順面買咖啡，
我仔睇中咗月台旁嘅小朋友玩具～
車廂好靚好乾淨，
車窗因為安全理由係無得開，
啱一家大細去，
是次行程主要俾袋寶，
蒸氣火車睇到個個小朋友眼定定，
尤其車頭反轉方向，
可謂THOMAS & FRIENDS真人版，
用人手推架車掉頭。
車上係無嘢賣，沿途車站有CAFE但停留時間唔太長，
奉勸各位自備主餐食糧，
不過，若坐下午火車就不用準備了，
你會食完飯至坐。
下車後小兒仍對月台上的小火車依依不捨，
不想搭火車也可在月台上走走，月台旁有個小博物館不妨參觀一下。
跟後我們就沿路南下，
沿山腰而行，附近都是礦山，跟先前遊覽嘅TASMANIA風景不一樣。
中途經過一景點，好好笑我老公GPS帶我們去死路，
大概當地訊號不太好，地標有差異，
後來沿路終於見到老公所講景點：
IRON BLOW LOOKOUT，
這裡其實係MINING所留下來深坑，
風景好靚～
沿A10公路行，中途有寥寥可數景點，
但我精神同肉體上都好攰，
CHUR咗咁多日都無覺好瞓，
車後三位乘客仲呼呼大睡，
就無心機落車，
而中途老爺講一句，攰就俾佢揸，
成車人精神為之一振，
先生，唔好搞事好嗎，
上次給你揸就撞車了，
我們還敢嗎？
最期待最後一日住宿，
事源老公訂了一家COTTAGE，
點知佢地OVERBOOK，
就把我地REFER佢呢間勁嘢，
唔使我們俾差額。
雖然唔知有幾靚，
但都好期待㗎～
到達住宿大概四點左右，
見到附近風景已經好正
湖旁有鴨有雞有鵝有牛牛。
見到間屋，呆咗，使唔使咁大間。
成個地方都好靚，成個TOWN就係一個旅館。
而這個地方很有歷史，是TASMANIA省最大水力發電站開發組員曾經住過地方。
現在番新了俾私人集團收購作旅館用途。
而間房保留咗好多VINTAGE特式，
仲有一啲好舊好舊黑白相放係走廊度，
間屋大得來有點令人胡思亂想，
感覺有少少恐怖，
好彩我仔無亂講嘢。
這個鎮叫TARRALEAH，
位於發電站其一山頂上，
位置都幾食風，
入黑仲好鬼凍。
我們訂了那裡唯一一家餐廳，
趁未天黑仲有時間我們附近走走，
不過真係…凍死我！
突然發現咗用幾百蚊澳紙買嘅防風防雪外套拉鏈壞鬼咗，
仲要去睇水力發電啲水管LOOKOUT，
無嘢遮，啲風食到正，
T﹣T好凍囉～
個TOWN有幾個BUSH TRACK我地都無時間行，
不過真係好靚好靚，呢個好再HEA時再去～
原文轉載自: https://wow.esdlife.com/space.php?uid=17963&do=blog&id=296817
