#寫出你遊歷 #hutchgo資助旅費1000蚊
去得美國exchange,當然唔小得去埋New York,所以一完左sem就由最鄉村嘅Michigan飛去最繁華嘅New York, 體驗下做個New Yorker。
做學生嘅budget有限,New York 又周圍都咁貴，免費又消費底嘅景點就最啱我
做New Yorker 嘅第一步就係買張 Metro 7 day pass，方便搭地鐡周圍去，只要俾32 USD 就可以無限任搭7日，MTA仲要24小時都開，玩夜都算方便。
1）街邊太多人與車 繁華鬧市人醉夜—Time Square
New York嘅 Metro 有好多站都經Time Square呢個中心地方，而且街道結構唔算複雜，所以我就隨心揀左個地鐵站落車，慢慢行下紐約街頭。好多鋪頭嘅櫥窗同deco都係tailor made, 加入左New York嘅元素，幾特別。
M&M 同Disney嘅專門店都有唔小打卡位，不過就唔建議大家去玩具反斗城，因爲佢已經變成一個散貨場，所有以前嘅舊deco都冇唒了
New York 真係好繁忙，同香港嘅銅鑼灣有d似，特別係逼地鐵嘅時候，真係以爲自己番左香港，但鬧市中都有一點平靜，近H&M附近有幾張可以俾人攤係度訓嘅長凳，仲有busking聽下，都幾享受。Time Square呢個area絕對可以行一日，入夜後嘅Time Square有種紙醉金迷嘅感覺，係呢個鬧市入面行，你嘅感受只會得一個–街邊太多人與車，繁華鬧市人醉夜。
馬路旁嘅石博係熱門打卡點
2) 點只香港老大街—China Town
New York有兩個出名嘅China Town, 一個係係嘅Queens法拉盛，一個係係Manhattan 嘅唐人街，法拉盛地鐵站一出就係大大隻百家樂綫上游戲廣告，真係以爲自己係大陸，住嘅都係比較新嘅移民，反而唐人街就比較親切，入面仲有個Little Italy,比較特別。
唐人街嘅地鐵站有中文字作為Deco
係唐人街食野，你會見識到店員嘅語言能力真係好犀利，無論係英文/廣東話/國語/福建/客家/日文，佢地都可以隨時switch,而且非常流利，由此可見，唐人街係一個好多元文化嘅地方，你可以係度感受到嘅亦都好多。
唐人街嘅特色建築，令人諗起電影入面d賊經樓梯走人嘅情景
China Town内有唔小打卡壁畫
Little Italy係入面自成一角，賣得最多嘅就係Italy Ice cream，可以一戰，不過就唔好expect 呢度會好似歐洲咁relax,可能係唐人街關係，呢度節奏都幾chur
3) 搭地鐵嘅價錢 搭纜車嘅享受–Roosevelt Island
Roosevelt Island 其實係民居島仔嚟，有d似香港仔咁，島上嘅居民以纜車作為連接島同Manhattan 中心嘅交通工具。只要有張7 day metro pass, 就可以免費搭纜車啦。
車程大約10分鐘到，車廂幾大，玻璃保養得幾好，望景一流。落車後嘅海濱長廊仲可以睇到Manhattan嘅天際線，望完景可以係附近行下，感受下島上居民嘅生活
車廂望到嘅景
落車後嘅大橋打卡位
後記：唔使貨金嘅景點可能比要貨金嘅更加好睇
