韓國濟州島
2019年新一年嘅旅行計劃，你做好準備未！我哋第一站飛韓國濟州島，免簽證立即出發！濟州島一直都係短途出境嘅熱門旅行目的地，每年都有好多嘅新婚夫婦會喺呢度渡過浪漫嘅蜜月，好多電影，電視劇都係呢度攞景！
濟州島國際機場冇地鐵嘅，直達機場嘅大巴只有六包係一條線路，佢會帶中英文嘅廣播，記得要帶現金或者係T Money去買飛啦
呢個海島地廣人稀，唔似首爾，搭的士10分方便，由於啲景點比較分散，所以都建議包車，或者係租車。因為交通工具，冇首都方便架！
SUN BEACH HOTEL
入住西歸浦濟州島太陽海濱酒店，其實佢就係機場嘅低低，價格呢就千零蚊一晚。我主要係睇重佢嘅位置比較方便，去呢啲熱門嘅景點都好近下，有事想去吓市場都只係要行10分鐘左右，而且距離小食街，酒吧街都唔係好遠。當然，呢邊三四百蚊實惠型嘅酒店都幾多㗎
夜晚搵咗一間韓式嘅小酒吧試吓先，我哋揀咗個靠窗嘅位置，叫咗一杯long Island，呢個係我哋嘅第一杯酒，窗外嘅嘢食安靜得來有啲神秘。
我都係依家先知道，呢隻牌子嘅vodka係原來有咁多隻味道嘅，真係大開眼界，排埋一齊都幾靚
韓國酒店大多都唔行奢華嘅路線，大多數都係沉穩實惠。間房面積唔係好大，開窗就可以見到情人橋，而呢個自助早餐都算幾豐富，但係就會少啲見到肉，因為係呢個島上面肉真係唔係好平。
濟州島呢度有好多便利商店，周圍都可以見到佢哋嘅蹤影，好似我哋嘅7-11一樣
每次嚟都唔同嘅國家，都一定會忍唔住手去買佢哋嘅小食。因為呢啲嘢，係最可以體驗唔到，嗰度嘅小食味道！
西歸浦龍頭岩
呢度成日都會有架飛機略過，機身同埋海面只有短短幾米嘅距離，可以見到機場係好近嘅，就咁睇韓國航空嘅清新設計都幾好睇吖
濟州島有三多，就係石頭多，風多，女人多。沿着海邊行吓，會睇到呢啲靚到好似藍寶石嘅大海心情都會好舒暢㗎。呢度仲可以玩潛水艇，唔識潛水照樣都可以窺探一下神秘嘅海底世界，仲可以試吓海釣添。
信不信由你博物館
呢個館有世界各地搜集到各式各樣稀奇古怪嘅收藏品，用一個好有趣嘅方式去陳列俾大家睇
睇吓呢隻獅子幾得意
藝術依家野呢就。。。都係要唔同嘅人有唔同嘅感覺啦
相片我就影唔到咁多俾大家睇，因為我想大家親身嚟睇一睇，唔好嘥咗大家嚟呢度嘅機會啦，但係都比大家睇一兩張相咁，知道下呢一個館係有幾咁新奇有趣！！！
濟州美食推薦
唔講咁多，即刻睇相啦！要鮮味有鮮味，要重口味有重口味，我都真係唔係好識形容啦佢哋有幾改變到我嘅諗法！
係呢個市區濟州街道，保健路餐廳周圍都係，大小不一。我成日都覺得韓餐唔係咁好食，來來去去都只有石鍋拌飯、部隊鍋咁樣啦，玩唔到好似日本料理咁樣咁講究嘅手工藝食物。但係，無論係海島嘅美食定係呢度嘅小吃，真係唔可以輕易睇小佢哋，單單係新鮮呢兩個字，已經係好多地方都比唔到㗎啦。濟州島一向海鮮資源豐富，靚嘅新鮮食物，都只會係呢度食嗰度
我最鍾意食嘅一定係呢個燒魷魚，佢好香碳味，亦都好有鮮甜嘅味道，好似大海就在嘴裡！！價錢又唔係特別貴來講，呢個性價比真係非常之高架，而家打打下字都覺得有啲肚餓想再食多一次添！
呢種韓式炒辣肉，真係非常之好食，佢嗰個盤好熱，好留得住豬肉同埋炒菜嗰種香氣，加上沈左啲芝麻係上面，我個人係非常喜歡食芝麻嘅，成碟菜都有嗰種鑊氣喺度，真係好適合夜晚過來一路飲酒一路食
係魷魚啊魷魚啊魷魚啊！好重要所以要講三次，呢個魷魚呢雖然辣醬多咗啲，蓋着嗰種鮮味，但係係好惹味，好送到飯嘅！
#寫出你遊歷 #hutchgo資助旅費1000蚊
