德國嘅Frankfurt, Munich, Berlin大家就聽得多 我都過呢D大城市
所以呢次就專登嚟呢個細細地嘅城市仔做一日遊！
一朝早喺法蘭克福，先到車站正對面market行行， 買左一袋麵包當早餐，再返去法蘭克福車站坐railway，準備搭車到海德堡來個一日之旅！
車票喺香港就已經先用DB（德國鐵路）APP上訂好，記得要早D plan定，買early bird平過即日買好多！
到左海德堡車站之後，記得去去車站廣場前Tourist Information遊客服務中心，買海德堡卡 “Heidelberg Card”!!!
海德堡卡有分 1Day €15、2Day €17、4Day €19嘅pass，你留幾多日就番自己行程買啦！
第一站先去搭纜車，搭叮叮可以直接到纜車站Rathaus-Bergbahn～
記得係去到中間站落車，應該會有好多人落車，跟住落車就無死，唔好搭到去尾站呀，會miss左個城堡！
一路行去右手邊係城堡戰爭後嘅斷垣殘壁，而左邊可以俯瞰海德堡全景，成片紅色屋頂，好靚哦～
古色古味，仲可以影好多文青相！
城堡裡面有個釀酒室，裡面有個大型釀酒個D木桶，果然係打卡靚位！據聞呢個仲要係世界第一大酒桶，可以容納20幾萬公升嘅酒，WOWWWWWW
睇完呢個可以再去睇下Pharmacy Museum，裡面展示各種藥草以及製藥工具。
行落山再喺大街參觀埋市集廣場、聖靈教堂等地標，食個靚tea同埋gelato!! (重點係呢度唔算貴loll)
就係咁，海德堡一日遊就完城，黃昏搭DB返法蘭克福。雖然好攰，但海德堡真係好靚、好悠閒，值得一嚟。
#寫出你遊歷 #hutchgo資助旅費1000蚊
