相信大家都知道澳門係葡萄牙嘅殖民地，上次我就去左澳門自由行，行左好多景點，特別係去左唔同別緻同有風味嘅打卡點。當中我尤其鍾意佢街上有好多葡式嘅建築物，完全感受到澳門中西合壁嘅文化。去完澳門令我好想親身去一次葡萄牙，所以就有今次嘅葡萄牙之旅喇~
去之前有特登做足功課架，里斯本最適合嘅旅遊季節呢就係春天同秋天。又可以擁有舒服又唔熱嘅天氣，景點人唔多。而夏天就係旺季，唔單止市區有旅遊人潮，海邊更加係迫滿左來自世界各地嘅度假遊客。呢個時嘅房價超高，甚至一床難求。提提大家，葡萄牙嘅節日唔少，遇到節日哥陣房價都會高漲，除非特別想參加某節日，唔係嘅話都係避開節日去會好啲。
同大家講下里斯本嘅歷史先啦~
里斯本喺西元前曾經被羅馬帝國統治，8~12世紀為地中海一帶最重要嘅貿易城市；13世紀時為葡萄牙首都；16世紀為當時歐洲重要嘅商業中心。不過里斯本喺1755年發生達8級以上嘅大地震同隨之而來嘅海嘯，成座城市同港口遭受到嚴重嘅破壞，國力大受影響。19世紀又有拿破崙入侵，里斯本被破壞得更嚴重。而2008年嘅金融海嘯令葡萄牙失業率居高唔下，促使唔少居民遠走他鄉，另謀他職，亦因此葡萄牙第一大城里斯本、第二大城波爾圖街道上有唔少空屋。
再黎就講下里斯本機場到市區嘅交通……從呢張「里斯本地鐵圖」就可以睇到里斯本機場(Aeroporto站，紅線最末站)去市區(綠線Rossio站或Baixa-Chiado站)其實只要搭地鐵就可以方便抵達。
咁由里斯本機場要點搭地鐵呢？
一抵達里斯本機場之後，先喺遊客服務中心買24小時嘅里斯本卡Lisboa Card。買好里斯本卡Lisboa Card就向遊客服務中心右手邊、Vodafone前方嘅出口走，右轉就可見到機場地鐵入口。
呢個就係機場地鐵入口，站名：紅線Aeroporto站。
市區交通主要都使用Viva卡(Viva Card)，需要購買Viva卡時就喺自動售票機選擇「with Card」。若果已經有Viva卡，就只需要喺機器選擇「without Card」加值即可。
里斯本交通票種類分成三種：
- 單程票(Viagem Carris/ Metro)：一小時之內可使用市區公車、電車、地鐵。
- 一日票(Bilhete 24h Rede)：含公車、地鐵、Tram路面電車、斜面纜車、各式電梯等，時間計算方式以打票那一刻開始算往後嘅24小時。
- 自己儲存金額(Zapping)：儲值後按次扣款，而加值額度唔同，送嘅額度也唔同。
提醒大家，同一張Viva卡無法同時進行三種票種，需前一種額度用完先可以再換成另一種。同埋未用完嘅額度可連同卡片、收據一齊退返。不過根據我嘅經驗，Viva卡用到最後都爛爛地，最後唔會特別攞去退款喇。
里斯本嘅地鐵站幾新穎嘅，都有貼心嘅殘障、婦幼通道！
電車好乾淨，有別於義大利羅馬、法國巴黎地鐵嘅髒亂，只係出國難免會擔心治安問題，所以就算喺望落咁安全嘅環境下，我都會把貴重物品放喺唔易攞到嘅地方，小偷要偷都係會偷到啲唔值錢嘅野。
由從機場去里斯本市區就要喺Alameda站轉車，轉搭綠線往Cais do Sodre方向，喺Rossio站下車。里斯本地鐵站月台都有英文顯示目前線別、列車仲有幾分鐘進站等資訊，對旅客非常便利！
每一條地鐵線都有各自嘅符號做代表，紅線係羅盤、綠線係帆船、黃線係花、藍線係海鷗，而且上面亦有標注喺邊一個停靠站有殘障出口、火車站、碼頭、遊客中心，呢點真係幾貼心嘅！
抵達Rossio地鐵站後，一出來就係無花果廣場（紅色框框），另一邊係往Rossio車站（藍色框框），也就係搭乘前往辛特拉火車嘅地方。
每次要去旅行最苦惱嘅莫過於「要住喺邊」啦！尤其位係地形崎嶇起伏、坡街遍佈嘅里斯本，若果真係要拖著行李喺市區周圍行，唔係腳痠就係行李箱拖到爛！所以喺Rossio火車站旁嘅「My Story Hotel Rossio」係許多人嘅首選，步行至Rossio火車站或者地鐵站皆只需5分鐘，附近餐廳選擇又多，又有櫃檯員工熱情同友善咁用英文提供解說。
好多旅遊書將里斯本依行政區做劃分介紹，但係我覺得要睇明呢啲行政區範圍都唔係咁易，反而用大家熟少少嘅地鐵站做簡單分類或者會比較清楚。所以我就將里斯本劃分為貝倫區、Rossio地鐵站周圍、Baixa-Chiado地鐵站周圍三個區域。
貝倫區
貝倫蛋塔老店 >> 哲羅姆派修道院 >> 貝倫塔 >> 發現者紀念碑 >> 魚罐頭老店
想要前往貝倫區，只要喺「無花果廣場」(Praça da Figueira)搭714號公車，約35~40分鐘喺Mosteiro dos Jerónimos修道院站落車。由於無花果廣場周圍都係公車站牌，廣場中間有露天市集擺攤，有時公車站牌唔易辨識，喺google map上做標註位置就比較清楚！其實走呢路線嘅乘客還真唔少，有時看人多也蠻好辨認嘅~
貝倫蛋塔老店Pastéis de Belém
蛋塔百年老店Pastéis de Belém係用古老方法整蛋塔，神秘古老配方寫左喺一本手冊裡面，放喺店入面一個無咩人知嘅地方。由於貝倫區鄰近港口同修道院，風景優美，當地人習慣黎呢度悠閒放鬆，買個蛋塔做下午茶點心。一場黎到點可以唔去朝聖，品嚐下葡萄牙人嘅傳統點心！
哲羅姆派修道院 (音譯為熱羅尼莫斯修道院，Mosteiro dos Jerónimos)
過去葡萄牙知名探險家–達伽馬計畫前往印度前就曾來哲羅姆派修道院祈禱，令到呢座修道院一砲而紅，後來成為葡萄牙船員們出海前必來祈禱嘅教堂。修道院採「曼努埃爾式」風格帶入各種航海元素，氣勢更加雄偉華麗。從哲羅姆派修道院可以一探當時葡萄牙作為海上霸主輝煌嘅過去，因此佢被納入世界遺產嘅行列！
貝倫塔Torre de Belém
1520年葡萄牙國王曼努埃爾一世為慶祝航海家達加馬從呢港口出發航行世界一周以同保護首都里斯本，於此地興建貝倫塔呢座防禦性碉堡。貝倫塔係曼努埃爾風格最具代表性嘅建築物，同附近嘅熱羅尼莫斯修道院一齊列入世界遺產行列，係里斯本極具代表嘅地標。
發現者紀念碑Monumento aos Descobrimentos
當初葡萄牙船員水手們於1418年首次出航就係從里斯本呢個港口出發，後來陸續發現唔少新土地，為葡萄牙帶來大量嘅經濟收入，讓歐洲各國也群起效尤嘅爭相喺海上爭奪霸權，形成後人所稱嘅「大航海時代」同「地理大發現」，開啟葡萄牙航海史重要嘅一頁。為左紀念此事，葡萄牙喺1940年舉辦世博會時製作「發現者紀念碑」，成為里斯本重要地標之一。
魚罐頭老店Conserveira de Lisboa
回程時順路可以行下喺Comércio Square廣場附近嘅魚罐頭老店。Conserveira de Lisboa堅持採用新鮮上等魚貨搭配簡單調味入罐，唔用防腐劑做保存，可保存數年以上，仲越放越香、越醃越好吃呀！外觀用心嘅包裝將唔起眼嘅魚罐頭形塑成相當有特色嘅紀念品，自用送禮都啱！
Baixa-Chiado地鐵站周圍
百年書店Bertrand Livreiros >> 雜貨鋪A Vida Portuguesa >> 巴西人咖啡 >> 黃色電車
百年書店Bertrand Livreiros
Bertrand Livreiros書店經營至今將近300個年頭，經歷過里斯本大地震、19世紀內戰、20世紀革命同葡萄牙近幾年來嘅金融危機，喺葡萄牙最艱難時刻仍屹立唔倒，係目前世界上最古老仲經營緊嘅書店，佢仲有金氏世界紀錄所認證嘅證書架！
雜貨鋪A Vida Portuguesa
A Vida Portuguesa雜貨鋪為左極力保存令人深深著迷嘅葡萄牙傳統老商品，所以創辦人集結一啲獨特品牌來經營一間「有溫度嘅雜貨鋪」，保留葡萄牙人老中青三代嘅共同回憶，也讓外國觀光客重新認識屬於葡萄牙嘅喺地品牌。佢亦都被Timeout雜誌評選為里斯本最值得逛嘅10大在地店家之一！
巴西人咖啡Café A Brasileira
位於地鐵站Baixa-Chiado旁嘅巴西人咖啡擁有百年歷史，專門販售巴西咖啡，過去曾經係知識份子、文人雅士聚集嘅場所，如今已成為里斯本具代表性嘅咖啡館。喺巴西人咖啡館前座位區就能欣賞里斯本經典嘅28號小黃電車來回穿梭，或者可以喺呢裡品嚐一杯咖啡，等待28號電車停靠後再上車！
28號黃色電車
里斯本嘅28號黃色電車非常熱門，唔少遊客都搭電車遊車河，欣賞里斯本景致。車上幾乎一位難求，連旅館服務人員都建議我去搵少人啲嘅車站上車。里斯本電車唔單只有黃色電車，也有紅色、綠色，有興趣嘅朋友唔妨先查查個電車路線再決定要唔要同大家迫呢架熱門黃色電車！
Rossio地鐵站周圍
聖胡斯塔電梯 >>豬扒包Casa Das Bifanas
聖胡斯塔電梯 Elevador de Santa Justa
里斯本到處都要爬斜坡或樓梯，政府就喺城市最需要爬坡嘅地方設置升降梯或斜坡纜車，以減輕大家嘅負擔。市區內嘅四座電梯，大家行街最容易見到最出名嘅聖胡斯塔電梯，佢嘅看台可以望晒成個里斯本市區，風景優美、心曠神怡，係里斯本必遊景點之一！
豬扒包Casa Das Bifanas
豬排喺大鍋滷汁中熬煮，口感軟嫩、唔塞牙縫，上下採用外酥內軟嘅圓麵包夾著，就係一道葡萄牙道地平民小吃–豬扒包！而里斯本豬扒包最有名嘅莫過於Casa Das Bifanas呢家店，係豬扒包嘅發源地，唔會有肉過鹹或麵包太硬嘅問題，係一家相當受到華人喜愛嘅餐廳！
繼里斯本之後葡萄牙嘅第二大城市就係波爾圖。搭里斯本北方火車，車程係兩個幾鐘。波爾圖因輸出大量葡萄酒而貿易興榮，連葡萄牙嘅國名都係咁黎。波爾圖於1996年被登錄世界遺產嘅老城區，巷弄間有住大航海時代嘅繁榮樣貌。杜羅河畔純白壁垣、橘紅屋頂嘅民家，居民晾曬衣物和孩童嬉戲嘅身影，堪稱為波爾圖最樸真、最美麗嘅風景之一。
路易一世大橋（PONTE DOM LUÍS I）
矗立於杜羅河上嘅道路鐵路共有橋樑，連接波爾圖市區同好多葡萄酒莊園嘅加亞新城區。呢座橋由設計巴黎艾菲爾鐵塔嘅設計師弟子所建構，寬約8公尺，上層全長約395公尺，供鐵道和人行道之用；下層長約174公尺，作為車道與人行道。其中從上層望出了景色尤其迷人，吸引了許多觀光客佇足，不過因為鐵道和人行道之間嘅間隔比較窄，行嘅時候要注意安全。
聖方濟各堂（IGREJA DE SÃO FRANCISCO）
「聖方濟各堂」為波爾圖市區內最突出嘅一座哥德式建築，內部以巴洛克式裝修為著稱。1233年由桑喬二世（Sancho II）修建，採用左當時從殖民地巴西運來嘅200公斤金塊雕刻裝飾，與教堂質樸嘅外觀相當有反差。呢啲雕刻工法被稱為Talha dourada，以黃金來雕琢教堂內部巴洛克式裝潢，精緻輝煌。仔細一望，左側從門口數過來第二間禮拜堂內有著名嘅基督教家譜「基督之樹」。
SANTA CATARINA大道（RUA DE SANTA CATARINA）
位於波爾圖市中心自由區廣場（Liberdade）往東邊延伸嘅購物街，喺呢度可以搜刮道地土產、服飾首飾，當然有好多咖啡和餐廳，經常充斥著觀光人潮。唔好唔記得要去一去老咖啡店「Café Majestic」，外觀嘅雕刻精緻華美、店入面就有著沉穩奢華嘅氣氛，座無虛席呀！
河濱區（CAIS DA RIBEIRA）
位於杜羅河沿岸，自古為船舶停靠處而如今依然可以見到河上遊覽船；岸邊成排咖啡店和餐廳林立，擺滿桌椅嘅戶外區域經常充滿著觀光人潮，相當熱鬧。除了飲食外，呢度都有唔少販賣紀念品嘅路邊攤位，從手工刺繡嘅小雜貨到首飾應有盡有。
教士塔（TORRE DOS CLÉRIGOS）
位於一座巴洛克式教堂嘅鐘塔，高約76公尺，天氣好哥陣登上高塔俯望波爾圖橘紅色屋瓦群，美不勝收。當然仲要遠望加亞地區嘅風景，黎波爾圖點可以錯過登高望遠嘅機會！
#寫出你遊歷 #hutchgo資助旅費1000蚊
