台中3日2夜快閃之旅
對我地打工仔來講，一年可能只係得一次出走去長旅行的機會。但如果可以趁weekend行開下，去轉快閃旅行，咩目的地都好，3日2夜快閃下，都應該可以暫時滿足一下旅行癮。
而呢個weekend，我選擇左包車快閃遊台中。時間好有限，所以貴少少包車點到點接送，行程彈性一點，用錢買時間，都無乜所謂啦。我地呢班打工仔，搵錢番來就係要來洗！
市面上依家飛台中都已經有好多選擇，有廉航亦有full-service航空公司，任均選擇。
第1天：HKG → RMQ → 彩虹眷村 → 高美濕地 → 逢甲夜市
小妹在台灣都認識唔少朋友，問左佢地台中有咩好地方去，佢地都不約而同說高美濕地的日落好靚，潮退時可以落泥沼上抓蟹。出發前上網搵到有台中半日包車，仲可以叫司機帶我地到一些地道餐廳，4至5小時包車200幾港紙，其實真係平靚正。
彩虹眷村
活係七彩世界裡面，在這裡，任何煩惱都暫時放下。拿起相機，影相，打卡！
高美濕地
呢個係去台中必去的一個景點，開車到高美濕地大概40分鐘，好彩趕上黃昏前到達。
今日間唔時落過雨，本身有點擔心，驚個天唔靚，影出來的夕陽唔夠靚。但係司機話呢個天氣影出來的夕陽，又會有種不一樣的感覺，用心去欣賞佢才是重點。」
再美的照片都只是個記錄，但去旅行，只有用個心去感受，先至可以留住那時刻。
逢甲夜市
台中最大的夜市，司機邊仲推薦左紅茶臭豆腐、大腸包小腸等，唔錯唔錯。
第2天：民宿 → 日月潭 → 台中市
台中除左城市，天然景色都好靚。包車到日月潭玩一天，對時間緊湊的我，最好不過了。早上7時半司機在民宿樓下接我。司機好友善，沿途同他都有講有笑。
日月潭
日月潭最好的遊覽方法應該係搭船，從唔同角度欣賞日月潭。發船時間為每30分鐘一班，所以都要計好哂時間先上船
呢度係一個小社區，街道兩旁有好多餐廳及攤白天呢度環境好寫意；大部分舖頭中午先至開門做生意。有唔少遊客會在日月潭住一晚，可惜呢次我時間唔夠，夠的話我都會留一晚。
第3天：民宿 → 宮源眼科 → 春水堂
今日係台中快閃的最後一天，一於來個美食半天遊！唔知大家會否有個習慣：最美味的留給最後。今次快閃，我都將我最中意吃的留到最後。
宮源眼科
原本是一所眼科醫院，現在已經改建成一個售賣紀念品的地方。排隊買雪糕都排左起碼20分鐘，但又真係好食兼大杯！
春水堂
大家一定聽過它的大名吧！台灣老字號，春水堂係發明珍珠奶茶的始祖！！！來台中點可以唔拜訪下
但好可惜小妹唔記得左影相:((
咁就三日兩夜。明天，生活又再次打回原形。星期一期待星期五，又再一次的快閃之旅！
#寫出你遊歷 #hutchgo資助旅費1000蚊
