參加咗ESD Wedding 嘅 “情侶.旅程 心動時刻” 嘅比賽，竟然贏到2獎呀, 係免費峇里島Club med 4日3夜呀 😱! 收到獎品後見到要去旅行一個月前先可以訂房，好擔心book 唔到。好彩我同老公嘅公司請假都方便先去得成，仲好好彩咁book 到asia miles 機票 😁😁~
終於都出發啦！ 我同老公之前都有去過峇里，所以今次大部分時間都真係留咗係酒店
第一日因為飛機delay 咗2個鐘，我地去到酒店已經夠鐘食晚飯。一放低完啲嘢係房，我地就沖出去Agung restaurant 到食自助餐。 啲嘢食真係多到 😱😱 每個國家都有自己一個section，究竟佢地有幾多個廚師 🙈
食食吓嘢，有個GM 出黎話club med 嘅style 就係啲員工會坐落黎一齊食lunch or dinner. 所以今次佢就join 咗我地，同我地分享吓佢嘅經歷, 仲介紹咗我地去玩Club Med 有嘅service, 原來真係好多嘢。最好係佢有個BB 或者小朋友嘅club house. 啲家長可以放低小朋友係個到，每日都有唔同活動，咁啲家長就可以自己去玩/ 放鬆吓啦 (不過我地暫時未用到呢個service)
食完嘢就咁起身走人。Club Med 連飲品都係全包架，得閒飲吓酒，cocktail, 果汁，咩都有 👍 (check out 完仲可以用啲facility 同係咁食係咁飲)
每日Club Med 都安排唔同嘅節目，可以download 佢地個app 就睇到活動表。今晚就有類似馬戲團嘅表演/ 舞蹈，仲有Fire dance 睇，坐係個bar 到飲住嘢睇真係幾舒服 🍸 每晚都仲有Clubbing 架
第二日
我地一早book 咗去Ubud, 有好多影靚相嘅景點呀 😍 不過好可惜，落咗差唔多成日雨 😭
因為前一晚同個GM 傾完計，佢話Deck restaurant 個dinner 要早一日book. 咁我地琴晚食完飯去reception 啦，點知佢話booking 時間關咗，咁因為今日早出又未開，所以我地就叫reception 留張紙。點知返到黎先話private event, 今晚唔開 😓 咁佢又幫唔到我book 第3晚喎，因為又關咗。仲話已經fully booked.
但係因為聽晚已經係我地最後一晚，所以我要求同manager 傾。點知又即刻可以幫我 book 聽日 😓 即係點? 要嘈佢先會幫你做?
咁無計啦，結果又去咗Agung restaurant. 好彩啲嘢食同琴日有啲唔同
第三日
朝早玩咗paddle board.. 無人教都唔緊要，我地休息緊個陣拉咗個板上岸，個啲staff 仲同我講 “你係個邊攞板，唔該還返去個邊”。 第一，我未玩完; 第二，唔係我想係呢邊上岸，係啲水流推我過黎…
玩咗一陣就諗住去The Deck Restaurant late breakfast. 我地 11:38am 去到，佢原來11:30 關，差少少時間都唔俾入. 我地太肚餓， 唯有去Agung restaurant 食少少嘢，之後去附近影吓相，等到2pm 返去食lunch
個戶外地方好靚，周圍都係俾水圍住，好舒服。不過lunch 啲嘢就真係唔好食啦…
呢到有2個泳池架。一個Fun pool, 大人細路都去得，另一個就只限成人使用。Zen Pool 隔離就係草地，望住呢啲藍天白雲，同綠悠悠嘅草地…. 咁先係放假架嘛!
夜晚再返黎Deck Restaurant 食dinner, 今次好食 😋 龍蝦湯，Tuna tataki, 帶子, 法式燉蛋，全部都好好食呀! Lets treat this as our honeymoon dinner! ❤❤
第四日
今日決定訓到10點，起身食早餐 (好失望，咁大間酒店，遲check out 一個鐘都要收錢) 。周圍行吓，再食lunch, 之後係沙灘附近搵咗個位訓吓就出去按摩 💆♂ (不過好彩check out 完仲可以用啲facility 同係咁食係咁飲)
Club Med 地方大，真係幾多影靚相位 📸 不過有對難搵人幫手影相，都係自己帶腳架好啲。
雖然Club Med 好似包咗好多嘢咁，但係個booking system 真係差。要前一日先可以book Deck Restaurant 個dinner, 仲要係指定時間book; 水上活動又要個朝 9am 先可以book 😓, 仲要原來8:30am 左右去排隊 😥😥😥 無人講過, 搞到我地第3日9:30 到，windsurf 已經full 哂…唯有去玩paddle board..
有小朋友，或者只係想曬太陽就ok 嘅，不過如果大家鍾意多啲活動，explore 吓，就揀其他酒店啦
#寫出你遊歷 #GoHoneymoon #蜜月旅行
