夜行完睇櫻花 , 更係食番 d 好野補補佢
呢間燒肉店都好出左名好耐 , 韓國最出名飲食節目 Tasty Road 2014年 已經訪問過 ,所以係需要等位 , 正因為咁出名 , 我唔出地圖喇 (偷懶下 xddd)
不過大家要記住開門時間 , 我第一日黎既時間係1030pm 左右 , 但平日 (星期1至5 & 星期日) 佢地收 11pm , 過左 last order , 而要敗興而回。
星期6就收夜 d , 收 12pm , 但我地呢日 830pm 黎 , 都差不多等左 1hr 囉。
好喇 , 入到去 , 都係大約 10張枱左右 , 除左因為多人 , 地方細都係要等位主要原因。
忙到枱都執唔切囉。
燒肉唔似香港果 d 咁多款 , 而且佢地話每次按 50g , 但有最低消費每人要 order 150g。
我地 4 個人黎 , 即係要點 600g , 唔難丫 , 一條黑豬五花肉都 200g。
Order 完 , oppa 就拎左個工具箱黎
嚇左一跳 , 原來得啖笑 , 入面係加爐邊水既水壺 , 醬料 , 餐具 , 仲有個爐仔既 ?!
呢個後話 , 之後拎炭火啦
拎配菜啦 , 入面有菠蘿囉 同蕃茄仔。
好喇 , 之後佢拎埋陳展鵬黎 , 原來枱枱都送一個煎餅既 , 之前等位果陣都見枱枱都有 , 仲想問點叫添。
而煎 pan 前面既又係乜呢 ? 當時未解釋
咁再拎 d 肉黎 , 冇花冇假 , 真係 600g , 但個兜重量有冇扣番架 (師奶 mode)。
說時遲 ,那時快 , 陳展鵬食得喇 , 味道正常啦 , 頂到下肚餓既
之後開始燒肉喇~~~~~
Oppa 幫我地燒左陣 , 就拎左兜熱水黎 , 教我地米色一塊塊既野係點食
呢塊野 , 第一眼已經覺得似越南既米紙 , 首先夾住佢 , 係熱水都左浸一浸 , 右浸一浸 , 塊野開始變透明喇。
之後夾肉夾菜就可以包住食喇 , 真係幾得意 , 唔駛下下都用菜包。
而不得不贊中間果個味蹭醬 , 好正。
燒到差不多尾聲 , 另一個主菜又黎喇
成個壓力煲拎黎 , 再係你面前放出氣 , 勁大陣泡菜味呀。
D 蒸氣走晒 , oppa 就打開佢夾出大大舊五花腩 , 同大量泡菜 , 粉絲
再剪開 , 未完
重點黎喇 , 呢舊係薯仔 , 入面係裝滿芝士架
再將薯仔剪開 , d 芝士就攤晒出黎 , 正呀 , 舊薯仔皮係食得出係煎過添 , 不過我地個爐仲燒緊 , 如果放係火爐上面熱住食 , 應該仲正。
埋單 , 4 個人都係都唔駛 HKD$150 , 好低食呀!!!!!!
原文轉載自: https://wow.esdlife.com/space.php?uid=20275&do=blog&id=312613
