想當年同幸晴爸拍拖時黎過一次，對奈良鹿一見鍾情，暗暗發誓要再黎呢個地方，結果等下等下，等下又等下, 婚都結埋, 囡又生埋，終於都再黎啦！
同小朋友去，我地冇特別去揾最多鹿既地方，只係在公園一小角停留，再揾搵比較溫馴既鹿去餵餅
幸晴第一次見鹿，已經好開心啦！不過為左安全起見(鹿既安全呀, XDD)，都係抱住幸晴黎餵鹿先！
唔止幸晴開心既，奈良鹿都食得好開心架，好似笑緊咁呀！(自己加多D幻想丫唔該
)
)
最後落地黎個近距離接觸， mission completed！我指D鹿餅呀，幸晴一塊都冇偷食到呀！佢有好幾次想放入口，然後同佢講係鹿既mum mum，佢都肯俾返鹿食呀！只係佢揸到塊餅好實，永遠渣住D餅碎，搞到餵完鹿成手都係鹿口水呀！
溫馨提示, 鹿始終有少少野性, 尤其係比佢見到你手持鹿餅但又唔餵佢既時候…..所以睇實小朋友, 再用溫柔既表情 + 語氣去對待鹿, 咁就唔會怕BB受傷害, 又唔駛怕嚇親BB, 以為鹿係好可怕啦! 
原文轉載自: https://wow.esdlife.com/space.php?uid=63794&do=blog&id=301823
