愛地球博記念公園係一個超大超多設施既公園，入面有日本景點必備既摩天輪，但對我地黎講，最大既吸引力必定係草子次子屋企, 啊，我既童年回憶，必定有<龍貓>! 再加廣東話配音同江欣燕唱主題曲呢！
去到公園，可以搭園內免費接駁巴直達草子次子屋企，但班次極疏, 所以我地最後選擇行去，其實跟住指示牌走只需十五分鐘左右路程，再加上沿路美㬌，一D都唔會覺得行得辛苦！
先黎溫溫書，草子次子既尾企係咁樣既，記得八婆，媒炭屎鬼嗎？唔記得要睇多次啦喂～
去到買飛，然後等夠鐘，就有日本導遊帶領我地進入草子次子家，日本導遊用盡佢識既英文，再加大量既身體語言同我地介紹每一個角落，每一個細致位，令我地不斷發出”哇！哇！”聲！
幸晴婆婆為左呢個景點，專登織左條次子紅色裙！
真係有幾分似架！連日本人都讚婆婆厲害！所以…
日本導遊即刻借頂帽同書包俾幸晴扮次子！正當我好得戚個女扮得好似之際，居然朋友們估佢係小丸子同飄零燕
，我對班日本人唔住…..
其實屋入面可以參觀，但唔可以影相，我地由門口走入大廳走入廚房再去浴室，真係同動畫一模一樣！仲有穿左洞既水桶等等，鍾意龍貓一定要黎朝聖一次呀！
溫馨提示，草子次子家每日限時限人數入場參觀，可以上網買飛，如果懶上網研究日文，就好似我地咁，早D出發，多數最早場較少人！
行完唔駛急住即刻走，事關公園好大好大仲有好多野可以行，可惜我地去果日太凍太大風，只係去多一個兒童室內景點，係門口位，放左D松果，同一支勾俾小朋友勾起松果。聽落好無聊，但幸晴玩得超認真架！
入面有遊戲區，睇D遊戲大概係講D昆蟲，不過不懂日文既我地，老實講最初入去純粹避寒風，結果連大人們都玩埋一份
咁認真圍埋一台，原來係填色……
愛地球博記念公園好值得帶小朋友去，如果夏天去，仲可以係噴水池玩水！等幸晴大D再去過先
原文轉載自: https://wow.esdlife.com/space.php?uid=63794&do=blog&id=305541
