#寫出你遊歷 #hutchgo資助旅費1000蚊
每一年唔同航空公司都會出飛台北既機票優惠，所以我每年至少都會去兩次台北嫁。咁去台北除左去夜市，西門町等，仲可以去邊度呢?有無特別既地方介紹呀? 如果你唔想旅行淨係去shopping同食野，我深信呢一篇一定會幫倒你呢!!!
以下落黎我要介紹既就係位於台北周邊既基隆，係台北過去大概30-45分鐘倒。去基隆既交通都十分方便，我地就選擇左搭捷運去劍潭站!之後你可以去travel customer service counter問下邊架車同咩方向係去基隆，佢地會好樂意回答你地既疑問。當然啦，而家手機咁方便，大家亦可以利用手機中的google map，只要輸入你想到既目的地，而出發點則點選自己既目前位置，佢就會有幾條suggested路線比你選擇，會教你行去邊個巴士站或者捷運站搭車，除此之外，你落左車後，佢亦會教埋你點行去目的地，所以獨遊絕對不是大問題。重點係佢亦會列明每一條路線既價錢，如果你都係好似我咁中意窮遊既話，就更加要好好利用電話中呢個function，會幫你慳番唔少旅費!
基隆最出名既景點就係忘憂谷同潮境公園，所以我地今次都選擇左去呢兩個地方。去到基隆火車站附近，你要轉搭基隆小巴士先可以去到忘憂谷，落左車後我地就跟住google map行。之後你就會見倒以下既奪命樓梯:
上到去你遠眺可以望到一望無際既大海，天空就好似同大海運成一線，會覺得自己好似去左天堂咁，一切辛苦同曬都變得十分值得。
之後我地就要行另一邊既樓梯落去，呢條白色樓梯唔講得笑，絕對都係一個打卡既位置呢:D
行完白色樓梯後，你會落到去一個好綠油油既公園之中，會見倒好多人都係向住海邊既方向行呢!!
見倒咁既景真係好紓壓，人都精神D!!
我地都係第一次係台灣見倒咁令既海景，藍天配藍海，置身天堂之中!!!
之後一路沿住海平線旁既小路行都見倒有唔少既打卡位呢，一望無際既草地同大海就係眼前，絕對可以係呢度留一整天haha
隨後，我地就係忘憂谷行番出大路，跟住google map既指示大概30分鐘就行到去潮境公園，果度最出名既就係有似哈利波特既飛天掃帚既打卡位!! 到左潮境公園，首先你會見倒一大片既草地，有唔少當地人，都會帶埋小朋友去野餐親子樂一下，同埋會有狗仔去散步呢。
好可惜我地去到既時侯天色已開始暗，而且仲落雨，所以影出黎既相都好一般，但飛天掃帚呢個打卡位實在係幾特別*3*
總括而言，基隆係一個值得去探索既地方，因為基隆比起台北有更多既近郊景點，適合一D中意上山下海既旅人呢!!! 下次再去台北，我仍然會將基隆呢個地方加入去我既行程中，因為除左忘憂谷同潮境公園外，仲有好多近郊地方等住我去探索，例如象鼻岩同金瓜石!!! 如果你都同我一樣唔想每次旅行再只係買野同食野，想深度遊一下，我推介你去基隆感受一下更local既台灣!
