#寫出你的遊記 #hutchgo資助旅費1000蚊
平時聽身邊既朋友講每次去台灣都係去台北、高雄
好似好少香港人會去到花蓮咁遠
等我同大家介紹一下我最中意既台灣啦
台灣係左駕 所以可能好多香港人都唔係咁熟悉
不過台灣既路都幾大同闊 所以都唔係咩問題
我地係高雄開始上去所以第一站係台東
我地行台9靠海山路就去到台東
台東鐵道藝術村
呢到係一個以前火車會經過既舊址
而家都擺左一架火車係到可以比大家影相
呢到既對面有一個大商場
同埋係市區裡面都好多野食
如果夜晚黎既話仲會見到好多文創既檔
第二站應該都算係一個好靚既打卡地點
國立台東大學圖書館
p.s. 入去學校既停車場唔洗學生證，可能因為都幾多人專登去個邊影相
所以比幾十台幣既停車費就可以開車入去校園
呢個位置都幾好搵 同埋唔似香港咁多人
好容易就可以影晒成個景
之後我地再去下一個景點
小野柳風景區
係台灣既地質公園
呢到可以睇到好靚既海景
同埋好多種唔同既岩石
我都幾中意呢個地方 都去左好多次
下一個係不得不提既
三仙台
係呢到可以欣賞下東部既海
我覺得東部既海係台灣最靚既風景
可以行上條橋到過去望下對面個三個大岩石
唔係講笑太陽大個時行過去都幾攰下
之後我地就去左花蓮
翡翠谷
停左車之後仲要行一小段路先入到黎
呢到係一個小瀑布可以玩下水、浸下腳
跟住再去左我地都好中意玩既踏鴨仔
鯉魚潭
都好難幻想一下係個山裡面會有一個地方可以玩單車
有以前玩過傳統既純人手腳踏單車
比多少少錢仲有半電腦腳踏單車
唔洗自己用力就可以環繞晒成個湖
最後一站要介紹既係
太魯閣砂卡礑步道
國家公園 沿路都係山景同埋望到好清既山水
呢條路算係最簡單既步道
大人細路都好岩行
行到最後就見到呢係吊橋
都係我地行上黎既原因
其實東部仲有好多好靚既地方
花蓮仲有好多水上活動可以玩
不過時間太短啦 去唔切
希望下一次有機會再去
thank you
