# 寫出你遊歷
# hutchgo 資助旅費1000蚊
失戀，令我抑鬱 & 頹廢了整整3年，當收到他已婚嘅消息，反而令我一夜之間醒晒~~
同他一齊6年間只會1年1遊，每次都係即興 & 參加旅行團，而且只會去他鍾意嘅陽光與海灘。天啊 ! ! 原來我竟然有10年無去過最愛嘅日本 ! ! 像話嗎 ? ?
柴九哥名句: 「人生有幾多個10年? 」我要努力追番浪擲左嘅光陰，Never too late ！
其實，我係一個好鍾意旅行嘅人，但身邊閨蜜已成人妻 / 有男友，一齊旅行唔知要夾時間到何月何日，就係咁造就左我獨遊嘅決定。
Day 1
懷住興奮期待嘅心情出發，扺達日本成田機場後，就喺便利店買左小食飲品 (日本便利店果然名不虛傳，我每晩都要買嘢食返酒店宵夜，增磅無難度！)，乘搭舒適Nex到新宿，由於我係夜鬼 & 血拼喪食，住喺呢區最適合不過，呢間酒店唔錯哩！
Day 2
邊個話1個人唔可以住溫泉旅館㗎！因為好想試下浸溫泉、一泊2食，所以呢2日會去只需大概一個鐘車程嘅箱根。
搭上小田急列車，一邊食便當，一邊欣賞美景，轉眼就到。到了大湧谷，大風 & 處處也是硫磺味，個黑蛋真係好味！可惜睇唔到富士山，跟住就早少少去溫泉旅館慢慢享受館內設施。
今次入住好評如潮嘅季之湯雪月花，check in 後可以任意選擇自己喜歡嘅和服 & 迎賓小食，款式衆多，啱晒各位靚女！無論環境、服務、食物 & 設施都係一流的，大推 ! !
Day 3
食左溫泉旅館嘅豐富早餐，check out後參觀小王子博物館，之後就去左御殿場outlet醉生夢死，呢到有頗多吸引品牌，值得一去！血拼完返到新宿去居酒屋食串燒炸物 + 啤酒，大杯酒大塊肉，一樂也 !
Day 4
今日就喺車站買左另一款和牛便當上車當早餐。到達江之島，第一個景點去左Hello Kitty Cafe潮聖，接著到江之島神社閒逛、洗錢擲幣許願、跨網消災祈福、買地道小食。
中午去鎌倉，大佛頗宏偉，繡球花又漂亮，最後到小町通購買手信精品，感覺好寫意。
Day 5
今日會去Disney Sea一天遊，可惜整天落大雨，所以一些機動遊戲、甚至巡遊 & 夜間的night show都取消，但我已經食左可愛嘅三眼仔麻糬、買到Stella Lou毛公仔 & Duffy爆谷桶已大満足，就俾個藉口自己下次再嚟啦！
總結：
今次嘅東京之旅順利完成，自己一手一腳訂機票酒店、策劃行程、行程中嘅點滴 & 所見所聞，自己都非常享受，我更因此患上「毒遊症」，一次又一次一個人去左唔同地方哩！
傻瓜的我曾以為，失去一個人就好似失去全世界。其實，世界很大很大，尚有很多美麗的地方等住大家發掘，旅遊令你擴闊視野係千真萬確的！
永遠不要放棄 & 看輕自己，原來我可以。
