#寫出你遊歷 #hutchgo資助旅費1000蚊
呢個暑假我終於儲夠錢去美國啦嚟到美國就梗係要去睇大峽谷啦，因為我個friend識揸車嘅，所以我哋就係自己揸車入去啦。由Vegas 揸車入大峽谷都只係差唔多四粒鐘嘅車程，所以我哋都順便去咗胡佛水霸。
當你就到國家公園入口嗰陣，佢出邊有一個細細地嘅俾你買嘢嘅地方，入邊有麥當勞，油站，郵局比你寄post card ，餐廳仔同埋啲便利店。因為大峽谷好大喇，所以我哋都會喺嗰度留一晚夜，而我哋嗰間酒店呢都係嗰個商業圈入面，如果你想訂國家公園入邊啲酒店嘅話，你就要早少少訂，因為係好多人book 㗎，同埋個價錢都會好貴，但都有佢嘅好處例如夜晚就可以喺大峽谷入面望到成片星星啦。
由小小商圈開往國家公園入口收費，右邊將先經過大峽谷國家公園嘅地標招牌，（有停車位），泊車要比錢㗎大家要留意啦，票價同相關入園資訊可能有變動，去個陣記住check check website。比左錢就可以攞到繳費證明，記住痴番喺擋風玻璃前面等嗰啲服務員可以睇得清楚，同埋遊園導覽簡介，入面有園內免費接駁巴士嘅路線圖。
入嚟呢多數都係要買七日嘅飛，如果你有多時間嘅話，我就建議你去晒佢唔同嘅路線同埋景點，入面嘅推薦景點就有
- 日出推薦賞點: Mather Point、Yaki Point （橙線: Kaibab Rim Route）
自 Grand Canyon Visitor Center 行去 Mather Point
- 日落推薦賞點: Hopi Point （紅線: Hermit Road Route）
無停車場，建議你開車去藍線Verkamp’s Visitor Center停車場停車後，再轉紅線免費巴士
- 全景推薦賞點: Mohave Point （紅線）、Navajo Point （自己揸車）、Desert View （自己揸車）
日景篇．Mather Point
咁大個仔都未嚟過大峽谷，今次終於有機會去到，我淨係睇呢個景點啊，睇咗我差唔多半日啦，呢度真係好神奇，真係唔可以唔佩服大自然嘅鬼釜神工。俾個溫馨提示大家啦，如果你夜晚想出去睇景嘅話，就記住着多件衫啦，因為日夜溫差係好大㗎。
日落篇．Hopi Point
星空篇．Grand Canyon Visitor Center Parking
Check in 完，食埋dinner，差唔多 22:30 ，我地就開車入園睇星星啦。沿途係完全無光害的情況下，你係摸黑前進，強烈建議大家要記得帶個手電筒。
今次介紹大峽谷就介紹到呢度啦，希望大家都有機會去啦。
