全球嘅7大自然奇景，唔知你有無聽過呢？亞馬遜河與亞馬遜雨林，濟州島，下龍灣，伊瓜蘇瀑布，公主港普林塞薩港地下河國家公園，科莫多島國家公園，同埋桌山就係呢7大奇景！
今次黎到其中一個自然奇觀，下龍灣！
今次到下龍灣 join 咗個 cruise，Orchid cruise！其實無論你 join 邊個 cruise，我都覺得應該都會有5星級嘅享受。
網上你或者會見到好多唔同公司有呢d tour，揀一個適合自己嘅就 okay，同埋我自己個人覺得 2日1夜已經夠玩，絕對唔需要3日2夜。
離開咗河內，第一站就去 Da Chong Islet 同 Islets of Con Vit and Gia Luan。
接住就係安靜之地（Cat Ba Island）。卡巴係海防省嘅東面，係森林嘅長途旅行令你將心放低，脫離匆匆忙忙嘅生活，回到自然嘅懷裡。訓係海邊比個機會你再進入內心深處。同老漁村嘅漁夫接觸帶你體驗無現代化嘅生活。卡巴都會畀個機會你回到自然。
係同一個地方就有 Trung Trang Cave，而通常都係 cruise 包埋嘅一部分。洞穴入面光線充足。我嘅導遊同我講咗好多關於洞穴嘅歷史，但係記住係洞穴入面行要小心d。
夜晚就係 Lan Ha Bay 個 area 停低。如果你想影相，記得日頭就影曬佢，因為其實去到夜晚，你乜都睇唔到，其實剩係睇到自己架船。
第二照，我就係 Ao Ech Area kayak，幾寫意。海嘅溫度仲暖過空氣。
係下龍灣渡過兩日一夜，係時候要返河內參觀下。
河內文廟（Temple of Literature）係一個唔可以錯過嘅景點。
呢座係由寺廟、建築、花園同埋池塘組成嘅建築群係俾孔子同學者。我個導遊同我講呢座建築係建於1070年，係越南第一所國立大學。呢度有令人驚嘆嘅建築同木工手藝，比我一個寧靜同放鬆嘅環境，係我係河內逗留期間嘅亮點之一。
我一定要提下，呢度嘅廁所好乾淨，庫房都好齊全。呢度有一間非常吸引人嘅cafe，可以係嗰度飲杯咖啡。係建築群嘅圍牆外面有國土間公園（Quoc Tu Giam Park），同埋係通往文廟入口嘅馬路對面有范湖（Lake Van），遊客可以免費参觀，而我都高度推薦。
坐一陣 motorcycle 就到 Ho Chi Minh Mausoleum (Ba Dinh square)。
係呢個廣場，你可以見到胡志明陵墓，係側面有一柱塔同總統府。呢度有一個好大嘅開放空間。我覺得呢度好有歷史意義，因為係1945年胡志明係呢度宣讀越南獨立宣言。
作為首都嘅主要廣場，巴亭廣場令人印象深刻。每日照早6點鐘，係陵墓建築面前嘅廣場有一個昇旗儀式。係儀式開始前嘅30分鐘氣氛好熱鬧，夏天嘅照早有好多越南人趕住係呢度晨練。
河內好出名嘅一柱寺（One Pillar Pagoda）原來就係胡志明故居隔離。佢唔收入場費，而佢周邊嘅樹陰比較多，同寸草不生嘅巴亭廣場有好大對比。一柱寺下面有個方形嘅靈沼池，池邊有以磚砌嘅欄杆，可惜嘅係池入面無乜荷花，垃圾就有唔少啦。
其實依家見到嘅一柱寺已經修飾得好好，原本都唔係咁嘅樣，而且規模亦都比一開頭起嘅時候細，大致上剩係保留咗原裝正貨嘅藝術風格同建築風格。
其實我最有興趣嘅唔係一柱寺本身，而係公園入口處嗰d講關於因果報應嘅壁畫，雖然都係「善有善報惡有惡報」的俗語，但係因為用咗卡通造型，而且又加咗現代元素，好特別。
附近都有一座細細嘅寺廟，真係拜佛嘅本地人都會去呢度，一柱寺其實剩係屬於遊客。
雖然有d人夜晚飲咖啡係唔會訓得著，但係我覺得一定要黎呢間 Cafe Giang 試下佢地d 咖啡。呢個係我咁大個仔以黎第一次飲蛋咖啡。所以我決定去佢嘅起源地方試下。呢間咖啡館就係老城區，所以當你行完街，你可以停低休息一下。呢個地方令人感覺好溫暖，好親切。唔好驚入錯地方，你肯定會搵到呢間咖啡館，而且價格都好合理，值得一試。
黎到 French Quarter 緊係要去河內戲劇院（Hanoi Opera House）啦！個建築好靚，雖然我參觀嘅時候無演出可以睇，但係我都有参觀演出場地。呢座建築係古老嘅法國殖民風格，都係一座華麗嘅建築。表演都有好多種價位，同大多數國家相比，算係合理嘅。
36 Old Streets 位於老城區入面，而老城區亦都係一個徒步區，有平野可以買，都可以充分享受殺價嘅樂趣，路邊嘅小食都好值得停低試下，可以充分感受到河內風情。
老城區嘅夜市得五六日先開，不好到咗胡志明市再後悔呢度賣嘅野真係比較平， 而且仲可以殺價，緊係要問多幾間再決定買唔買 ，唔係嘅話你到胡志明市就更加貴，所以有機會行夜市就盡量揀d你想買嘅野。
#寫出你遊歷 #hutchgo資助旅費1000蚊
