#寫出你遊歷 #hutchgo資助旅費1000蚊
差不多又到日本紅葉季節，於日本賞紅葉一直都是must do list中的大項! 既然去看當然想看最靚最震撼的！除了東京高尾或京都等地，名古屋也有具震撼力的紅葉，旅遊書或網上爬文，都全推香嵐溪，說是日本中部紅葉名所之一，而且用公共交通工具不算很難去就決定去香嵐溪喇！
香嵐溪位於名古屋近郊的足助町，小小的足助町也有自己的觀光網頁，入面仲有為期1個月的香嵐溪紅葉祭的資料 , 每年整個11月都是該處的紅葉祭, 有不同的活動介紹。網頁中也有講解怎去，我就採用了以下方式：
– 於名古屋搭名鉄［名古屋本線］：名古屋 —> 東岡崎 ，約30 mins
– 轉乘巴士～名鉄バス岡崎・足助線［足助行］：東岡崎 —> 香嵐溪 ，約70 mins
到達東岡崎向巴士站的出口行，4號站就是去足助的巴士，初時會見到不同的巴士停同一站，疑惑是否這巴士站呢？原來是給不同巴士上落客，所以照排隊就可以，要上巴士的人就會自動向前上車，去足助要一個小時，巴士座位不多，排好隊就不要亂動了～而且巴士一個鐘只有一班，有時會更疏，plan行程時務必要睇準時刻表呀！另提提足助町只是小鎮，郊區位只有來回各一條行車線，加上紅葉旺季好多人都會自駕去，所以有心理準備會塞車呀～
提提香嵐溪不是總站，不要顧住瞓看好站呀！大概 1hr10mins終於到了！
落車之後未見到網上圖中的香嵐溪，落車就望望巴士站附近的地圖
要過對面馬路，看到這牌跟著走就很快看到美景～
行前些少就見到這景色喇…嘩，像幅畫一樣呀！
好大棵呀！好慶幸遇到見頃的時候～
行幾步就要停一停，用眼睛感受一下，再影兩影～真的好美！
中間的河川是有樓梯可以行落去，不過要小心慢慢行呀！
小心翼翼行到中間，左邊一整排紅噹噹的楓葉。
沿住小徑慢慢行入去香嵐溪的中心地帶…
來到待月橋再加紅葉，隨意影都好似postcard一樣！
慢慢再行入去，原來入面還有好大地方，這張相紅橙黃綠都有～
好多人除了帶小朋友都會帶狗仔來賞楓，著靚衫排排坐影靚相～
愈行入愈多手作攤檔仔
橙紅色又有另一種美，如在香港又會不會停下來感受大自然呢？
再行入見到有好多人圍住個台，有表演？
原來有馬騮仔表演呀，好似以前電視做<阿笨與阿占>的阿笨著衫仔～
表演做出很多可愛及高難度動作，完了還會鞠躬～
看到已走到中心點的～香嵐溪～
因有紅葉祭，有很多小檔攤～小食、小手作、手信、甚至疏果都有～
其實再走入去是遠足徑，但因稍後還有其他行程就開始行出去，有少少落葉，好有秋意呢～
因為肚餓喇，搵食先～之前於對面行的時候已經target了這間有平台的餐廳～
有飯亦有麵食～簡單叫了蕎麥麵同烏冬，雖然簡單但清清地幾好味！
對住這景色食什麼都加分吧～
嘩哈哈～還有經過串燒店，忍不住買了兩串！
行出去大路，未行到出去前，原來仲有個小市集～另一邊有好大的停車場，仲停了好多旅遊巴～
又有章魚燒，燒粟米，串燒，燒餅等等，最後悔走到轉角見到原隻蟹湯，不過已經趕不來食～＞_＜
行完就去搭巴士返回東岡崎～記得要按時刻表看緊時間呀！最後送多張紅葉相～
總結一下，大家如11月到名古屋，不防抽半日來香嵐溪走走，很值得！
以上圖片攝於11月17日，建議11月中到來～連Lunch逗留時間約4.5-5 Hours～
如有時間還可留到夜晚賞夜楓，別有另一番感覺！
